मराठी इंडस्ट्रीत ही अभिनेत्री ठरतेय स्टाइल आयकॉन

ब�

��लिवूडमध्ये स्टाइल आयकॉन म्हणून सोनम कपूर ओळखली जाते.जेव्हा जेव्हा सोनम वेगवेळ्या लूकमध्ये रेड कार्पेटवर येते. तेव्हा सा-यांच्या नजरा फक्त आणि फक्त सोनम कपूरकडेच वळलेल्या दिसतात. असेच काही आता मराठी सिनेसृष्टीतही होताना दिसत आहे.अगदी  बॉलिवूड अभिनेत्रींप्रमाणेच मराठी सिनेसृष्टीत स्टाइल ऑयकॉन म्हणून प्रिया बापट ही अभिनेत्री आपली वेगळी ओळख निर्माण करताना दिसतेय. सोशल मीडियावर प्रिया बापटच्या सिनेमांची तर चर्चा होतेच मात्र आता तिच्या  फॅशन सेन्सची  चर्चा होत आहे.रूपेरी पड्दयावर विविधारंगी भूमिका साकारुन अभिनेत्री  प्रिया बापटची रसिकांची मनं जिंकलीत. तिची प्रत्येक अदा जितकी रसिकांना घायाळ करणारी असते तितकीच तिची स्टाइलही खास ठरते.सोशल मीडियावर ती खूप एक्टीव्ह असून तिच्या सगळ्या घडमोडींची अपडेट ती देत असते. तिने शेअर केलेले ग्लॅमसरस फोटोंमुळे तिला खूप चांगल्या चांगल्या प्रतिक्रिया रसिकांकडून मिळत असतात.विशेष म्हणजे तिच्या ड्रेसिंग स्टाईलचे खूप कौतुक होत आहे.तिचे चाहते तिला स्टाईल ऑयकॉन म्हणून प्रतिक्रिया देताना दिसत आहेत.प्रियाच्या सौंदर्यासह तिचा आकर्षक ड्रेससुद्धा तितकाच लक्षवेधी आहे.'वजनदार' सिनेमात सचिन कुंदलकरने सई ताम्हणकर आणि प्रिया बापट या अभिनेत्रींना घेऊन सिनेमात वेगवेगळे प्रयोग केले होते.रसिकांकडूनही 'वजनदार' सिनेमाचे खूप कौतुक करण्यात आले होते.

प्रिया बापट सध्या तिच्या एका आगामी चित्रपटाच्या चित्रीकरणात व्यग्र आहे. या चित्रपटाचे चित्रीकरण ती भोपाळ येथे करत असून या चित्रपटाच्या चित्रीकरणादरम्यानचे काही फोटो तिने फेसबुक या सोशल नेटवर्किंग साइटवर पोस्ट केले होते.फोटोतील तिचा लूक हा खूपच ट्रॅडिशनल होता.या लूकच्या ती प्रेमात पडली आहे असे म्हटले तर चुकीचे ठरणार नाही. कारण तिने या लूकसाठी डिझायनरचे आभारदेखील मानले होते.