डिस्को सन्यामधून प्रथमच लिड रोलमध्ये पार्थ भालेराव

अमिताभ बच्चन यांचा भूतनाथ रिटर्न्स हा चित्रपट आठवतोय का? हा तोच चित्रपट ज्यामध्ये  बिग बीं सोबत पार्थ भालेरावने रूपेरी ...

अ�

��िताभ बच्चन यांचा भूतनाथ रिटर्न्स हा चित्रपट आठवतोय का? हा तोच चित्रपट ज्यामध्ये  बिग बीं सोबत पार्थ भालेरावने रूपेरी पडदा गाजविला होता. या चित्रपटावेळी पार्थ भालेराव हा हिरो होता आणि मी झिरो!असे बोलून प्रत्यक्ष बिग बिनी पार्थच्या अभिनयाचे कौतूक केले होते. त्याच्या या उत्कृष्ठ अभिनयाने अगदी लहान मुलांपासून ते मोठ्यापर्यंत सर्व त्याच्या प्रेमात पडले होते. आता हाच पार्थ भालेराव आगामी चित्रपट डिस्को सन्या या चित्रपटात लिड रोलमध्ये झळकणार आहे.  ए शिष्यवृत्ती..अशी हाक मारीत व मस्तीखोर, खोडकर तितकाच प्रेमळ, काळजी घेणारा बंड्या रेखाटलेला किल्ला आणि खालती डोकं वरती पाय या सिनेमांमध्ये पार्थने आपल्या अभिनयाची जादू दाखवली आहे. त्याच्या उत्कृष्ठ अभिनयामुळे हे सिनेमे कान्स फेस्टीव्हलमध्ये देखील झळकले. भूतनाथ रिटर्न्समधील पार्थ भालेरावला त्याच्या अफाट नैसर्गिक अभिनयामुळे ६२ व्या राष्ट्रीय चित्रपट पुरस्कार सोहळ्यात विशेष पुरस्काराने देखील गौरविण्यात आले होते. या यशानंतर  पार्थ आता डिस्को सन्या या चित्रपटातून प्रथमच प्रमूख भूमिकेत दिसणार असून तो नव्या लूकमध्ये धमाकेदार एंट्री करणार आहे. आपल्या हटके अंदाजात बिनधास्तपणे कोई शक?असा सवाल करीत पार्थ प्रेक्षकांच्या पुढे झळकणार आहे. या चित्रपटात पार्थ रस्त्यावर राहणाºया एका मुलाची भूमिका करीत असून तो त्याच्या खट्याळ पण संवेदनशील भुमिकेने प्रेक्षकांना खिळवणार आहे. थ्रीलर व ड्रामाने भरलेल्या आणि त्याला कॉमेडीची जोड असलेल्या डिस्को सन्या या फिल्मची निर्मिती वकाव् फिल्म केली असून या चित्रपटाचे निमार्ते सचिन पुरोहित व अभिजीत कवठाळकर हे आहेत. चित्रपटाच्या दिग्दर्शनाची धुरा नियाज मुजावर यांनी सांभाळली आहे. हा चित्रपट  ५ आॅगस्टला महाराष्ट्रात झळकणार आहे.