मराठमोळी ही अभिनेत्री वयाच्या ५६व्या वर्षीही दिसते खूप सुंदर, परदेशात राहून करते हे काम

नव्वदच्या दशकातील ही प्रसिद्ध अभिनेत्री सध्या परदेशात वास्तव्यास आहे.

नव्वदच्या दशकातील मराठमोळी अभिनेत्री अर्चना जोगळेकर यांनी हिंदी आणि मराठी चित्रपटसृष्टीत आपल्या अभिनय कौशल्याने रसिकांच्या मनावर अधिराज्य गाजविले होते. अभिनेत्रीसोबत त्या एक उत्तम नृत्यांगना आहे. अर्चना यांनी मराठी, हिंदी तसेच उडिया भाषेतील चित्रपटात अभिनय करून सिनेइंडस्ट्रीत आपली ओळख निर्माण केली आहे. 

अर्चना जोगळेकर यांचा १९६५ साली एका मराठी कुटुंबात जन्म झाला. आता त्या ५६ वर्षांची असूनही खूप सुंदर दिसते. त्या अभिनेत्रीसोबत एक कथ्थक नृत्यांगना आणि कोरिओग्राफरसुद्धा आहे. त्यांनी आपली आई आशा जोगळेकर यांच्याकडून कथ्थकचे धडे गिरविले आहेत.

आशा जोगळेकर यांनी १९६३ साली अर्चना नृत्यालय या नावाने एक नृत्य शाळा सुद्धा सुरू केली होती. त्यानंतर अर्चना यांनी स्वतः १९९९ मध्ये ‘न्यू-जर्सी’ याठिकाणी या नृत्य शाळेची एक शाखा सुरू केली आहे.

मराठी चित्रपटांतून जास्त लोकप्रियता मिळवलेल्या अर्चना जोगळेकर यांना नव्वदच्या दशकातील अत्यंत सुंदर अभिनेत्रींपैकी एक मानले जाते. त्यांनी ‘एका पेक्षा एक’, ‘निवडुंग’, ‘अनपेक्षित’ या मराठी तर संसार या हिंदी चित्रपटांतून आपल्या अभिनयाची छाप प्रेक्षकांच्या मनावर सोडली आहे.

अर्चना जोगळेकर आणि अभिनेता सचिन पिळगांवकर यांच्या ‘एकापेक्षा एक’ या चित्रपटातील ‘ये जिवलगा’ हे गाणं आजही प्रेक्षकांच्या चांगलेच लक्षात आहे. तू तेव्हा तशी या गाण्यामुळेही अर्चना यांची ओळख रसिकवर्गाला आहे. त्यानंतर मात्र अर्चना लग्न करून परदेशात स्थायिक झाल्या. 

अर्चना जोगळेकर यांच्याबाबतीत धक्कादायक माहितीदेखील समोर आली होती. ३ नोव्हेंबर १९९७ साली त्या ओडीसा येथे आपल्या चित्रपटाचे चित्रीकरण करत असताना एका नराधमाने त्यांच्यावर बलात्कार करण्याचा प्रयत्न केला होता. असे सांगण्यात येते की, १९९७ मध्ये त्या नराधमाला पोलिसांनी अटक केली होती. २०१० मध्ये भुवनेश्वर फास्टट्रॅक कोर्टने त्याला १८ महिन्यांच्या तुरूंगवासाची शिक्षा सुनावली होती.

चित्रपटांबरोबरच अर्चना यांनी टीव्ही मालिकांमध्येही काम केले आहे. ‘चुनौती’, ‘कर्मभूमि’, ‘फूलवंती’, ‘किस्सा शांति का’, ‘चाहत और नफरत’ या हिंदी मालिकेत त्यांनी काम केले आहे.