हे पाहा... कोणत्या चित्रपटात असणार आहे, सोनाली कुलकर्णीचा कॅमिओ

सध्या बघतोस काय मुजरा कर या चित्रपटाची चर्चा खूपच रंगत असल्याचे पाहायला मिळत आहे. या चित्रपटात प्रेक्षकांचे लाडके कलाकार ...

स�

��्या बघतोस काय मुजरा कर या चित्रपटाची चर्चा खूपच रंगत असल्याचे पाहायला मिळत आहे. या चित्रपटात प्रेक्षकांचे लाडके कलाकार जितेंद्र जोशी, अनिकेत विश्वासराव, अक्षय टंकसाळे, पर्ण पेठे, नेहा जोशी, रसिका सुनिल या कलाकारांचा समावेश आहे. आता या कलाकारांबरोबरच प्रेक्षकांना या चित्रपटात आणखी एक खास सरप्राईज असणार आहे. हे सरप्राईज म्हणजे, आपल्या अभिनयाने प्रेक्षकांच्या मनावर राज्य करणारी अभिनेत्री सोनाली कुलकर्णीदेखील या चित्रपटात पाहुण्या कलाकाराच्या भूमिकेत पाहायला मिळणार आहे. तिच्या या कॅमिओविषयी सोनाली कुलकर्णी लोकमत सीएनएक्सला सांगते,  

         या चित्रपटातील माझी भूमिका अनपेक्षित आहे. लंडनमध्ये हे साधे भोळे मुले शिवाजी महाराजांची तलवार घेण्यासाठी येतात. मात्र या मुलांना लंडनमधील काहीच माहित नसतं. त्यावेळी या मुलांना एक मुलगी भेटते. मात्र या मुलीची भेट झाल्यानंतर ती त्या मुलांना मदत करते का नाही हे कळण्यासाठी प्रेक्षकांना चित्रपट पाहावा लागेल. 
          
             ही भूमिका मला खूप मेहनतीने करण्यास मिळाली. यामागे एक खूप मोठी आणि इंटरेस्टिंग कहानी आहे. ती म्हणजे, पोस्टर गर्लनंतर दिग्दर्शक हेमंत ढोमे हा माझा खूपच खास मित्र बनला. या चित्रपटाची ज्यावेळी नुकतीच सुरूवात झाली होती, त्यावेळी हेमंतने मला या चित्रपटाची कथा ऐकवली. ही कथा मला खूपच आवडली. मात्र या चित्रपटात मला साजेशी अशी एक ही भूमिका नव्हती. मात्र या चित्रपटात एक कॅमियो होता. हा केमिओ कोण करणार असे मी विचारले असता. तो म्हणाला, अजून काही ठरले नाही. पण मी मात्र हा कॅमियो करणार असा हट्ट हेमंतकडे धरला. तसेच काही महिन्यानंतर या कॅमियोसाठी मला हेमंतचा फोन आला. तो म्हणाला, या चित्रपटातील पाहुण्या कलाकारांची भूमिका तूलाच करायची आहे. हे ऐकून मला खूपच आनंद झाला. तो म्हणाला, काहीही कर पण या चित्रपटासाठी तारखा दे. शेवटी खूप काही जुगाड करून या चित्रपटाच्या चित्रिकरणासाठी वेळ काढला.  खरं सांगू का, अशा या सुंदर चित्रपटाचा एक भाग असणं ही माझ्यासाठी खूपच अभिमानाची गोष्ट आहे.