केंद्र सरकारकडून 'चौर्य'ची दखल

 दिव्यांगजनांना (अंध व कर्णबधीर) चित्रपटाचा अनुभव देण्यासाठी चौर्य या चित्रपटात 'अक्सेसिब्लिटी फॉरमॅट' या वेगळ्या तंत्रज्ञानाचा वापर करण्यात आला आहे. ...

 �

�िव्यांगजनांना (अंध व कर्णबधीर) चित्रपटाचा अनुभव देण्यासाठी चौर्य या चित्रपटात 'अक्सेसिब्लिटी फॉरमॅट' या वेगळ्या तंत्रज्ञानाचा वापर करण्यात आला आहे. भारतीय चित्रपटसृष्टीच्या इतिहासात असा प्रयोग प्रथमच केला जात आहे. या अनोख्या प्रयोगाची दखल थेट केंद्र सरकारने घेतली असून, या पुढाकाराचे कौतुक करणारे पत्र भारत सरकारने दिले आहे. नवलाखा आर्ट्स व होली बेसिल कंबाईनच्या निलेश नवलखा , विवेक कजारिया आणि सिनेलीला टॉकीजच्या अश्विनी पाटील यांनी या चित्रपटाची निर्मिती केली असून राजन आमले हे सहनिमार्ते आहे. चित्रपटाची प्रस्तुती नवलाखा आर्ट्स व साधना सिनेमा यांच्या संयुक्त विद्यमानाने केली आहे. याआधी शाळा, फँड्री, सिद्धांत अशा एकाहून एक सरस चित्रपटांची निर्मिती नवलाखा आर्ट्स व होली बेसिल कंबाईने केली आहे.आशय सहस्त्रबुद्धे या आमच्या मित्राने या विषयात पी. एच.डी. केली असून 'अ‍ॅक्सेसिब्लिटी फॉरमॅट'चे तंत्रज्ञान चौर्यसाठी  उपलब्ध करून दिले आहे. त्यांच्या या कामाचे कौतुक करणारे पत्र केंद्र सरकारच्या 'डिपार्टमेंट आॅफ एम्पॉवरर्मेंट आॅफ पर्सन विथ डिसअ‍ॅबिलिटीज'चे संयुक्त सचिव मुकेश जैन यांनी पाठवले असून  या तंत्रज्ञानामुळे दिव्यांगजनही चित्रपटाचा आनंद घेऊ शकणार आहेत अशी माहिती चित्रपटाचे निमार्ते निलेश नवलखा यांनी दिली. समीर आशा पाटील हा नव्या दमाचा लेखक दिग्दर्शक या चित्रपटातून पदार्पण करत आहे. अभिनेते किशोर कदम, मिलिंद शिंदे, गणेश यादव, प्रदीप वेलणकर, दिग्विजय रोहिदास, दिनेश लता शेट्टी, जयेश संघवी, तीर्था मुरबाडकर आणि आरजे श्रुती आदीं कलाकारांच्या या चित्रपटात महत्त्वाच्या भूमिका आहेत.५ आॅगस्टला चौर्य  हा चित्रपट संपूर्ण महाराष्ट्रात प्रदर्शित होणार आहे .