भूतनाथ रिटर्नचा ‘वंडर किड’ पार्थ

त�

��म्हाला बॉलिवूडचे महानायक अमिताभ बच्चन यांचा भूतनाथ रिटर्न्स हा चित्रपट आठवतोय का? हा तोच चित्रपट ज्यात बिग बींना केवळ मराठमोळा बालकलाकार पार्थ भालेरावच पाहू शकत होता...त्यामूळे यात पार्थ भालेराव हा हिरो होता आणि मी झिरो! असे बोलून प्रत्यक्ष बिग बींनी पार्थच्या निखळ व जिवंत अभिनयाचे कौतूक केले होते. बिग बीं सोबत रूपेरी पडदा गाजविणाºया या चिमुकल्या पार्थ भालेरावने त्याच्या उत्कृष्ठ अभिनयाने अगदी लहानग्यांपासून ते मोठ्यापर्यंत सर्वांना त्याच्या प्रेमात पाडले. आता हाच पार्थ भालेराव डिस्को सन्या या मराठी चित्रपटातून प्रथमच एका प्रमूख भूमिकेत झळकताना दिसून येणार आहे.

ए शिष्यवृत्ती.. अशी हाक मारीत व मस्तीखोर, खोडकर तितकाच प्रेमळ, काळजी घेणारा बंड्या रेखाटलेला किल्ला आणि खालती डोकं वरती पाय या सिनेमांमध्ये पार्थने आपल्या अभिनयाची जादू दाखवली होती. त्याच्या उत्कृष्ठ अभिनयामुळे हे सिनेमे कान्स फेस्टीव्हलमध्ये देखील झळकले. भूतनाथ रिटर्न्समधील पार्थ भालेरावला त्याच्या अफाट नैसर्गिक अभिनयामुळे 62 व्या राष्ट्रीय चित्रपट पुरस्कार सोहळ्यात विशेष पुरस्काराने गौरविण्यात आले होते.

त्यानंतर पार्थ आता डिस्को सन्या या चित्रपटातून प्रथमच प्रमूख भूमिकेत दिसणार असून तो नव्या लूकमध्ये धमाकेदार एंट्री करणार आहे. नुकताच डिस्को सन्या या चित्रपटाचा टिजर रिलीज करण्यात आला असून आपल्या हटके अंदाजात बिनधास्तपणे कोई शक.....? असा सवाल करीत पार्थ प्रेक्षकांच्या पुढे झळकणार आहे. या चित्रपटात पार्थ रस्त्यावर राहणाºया एका मुलाची भूमिका करीत असून तो त्याच्या खट्याळ पण संवेदनशील भुमिकेने प्रेक्षकांना खिळवणार आहे. थ्रीलर व ड्रामाने भरलेल्या आणि त्याला कॉमेडीची जोड असलेल्या डिस्को सन्या या फिल्मची निमीर्ती व काव् फिल्म केली असून या चित्रपटाचे निमार्ते सचिन पुरोहित व अभिजीत कवठाळकर हे आहेत. चित्रपटाच्या दिग्ददर्शनाची धुरा नियाज मुजावर यांनी सांभाळली असून येत्या काही दिवसातच आपल्यासमोर या चित्रपटाचे काही पैलू उलगडतील हे मात्र नक्की.