​आर्चीचा 'मनसू मल्लिगे होणार फेबु्रवारीत प्रदर्शित

स�

��राट चित्रपटातून रातोरात स्टार झालेली आर्ची म्हणजेच रिंकू राजगुरु सध्या कन्नड सैराटच्या चित्रीकरणात व्यस्त होती. परंतू आता या चित्रपटाचे चित्रीकरण संपले असून लवकरच हा चित्रपट प्रदर्शित होणार असल्याचे बोलले जात आहे. आता या चित्रपटाच्या पोस्ट प्रोडक्शनचे काम सुरु आहे. त्यामुळे फेबु्रवारीत हा चित्रपट प्रेक्षकांसमोर आणण्याचा निर्मात्यांचा मानस असल्याचे कळतेय. मनसू मल्लिगे असे नाव असलेल्या या कन्नड सैराट चित्रपटाची बरीच चर्चा रंगली होती. एस. नारायण हे 'मनसू मल्लिगे'चे दिग्दर्शक आहेत. गेली १५ वर्षे ते कन्नड चित्रपटाचे दिग्दर्शन करीत असून 'सैराट'चा कन्नड रिमेक त्यांनी आव्हान म्हणून स्वीकारला आहे. या चित्रपटाचे शूटींग बंगळूरु, होस्पेट, गदग, कोल्लेगला, चामराजनगर येथे पार पडले. गेली ३० दिवस हे शूट सुरू होते. 'सैराट' चित्रपट कन्नड, तामिळ, तेलुगु आणि मल्याळम भाषेत बनणार आहेत. याचे हक्क रॉकलाईन व्यंकटेश या दाक्षिणात्य निर्मात्याकडे आहेत. मराठी सैराट प्रमाणेच या चित्रपटाला देखील बॉक्स आॅफिसवर यश मिळते का हे तर लवकरच समजेल.