फिल्म सिटीमध्ये भीषण आग, 'अनुपमा' मालिकेचा सेट जळून खाक

सोमवारी(२३ जून) सकाळी फिल्म सिटीमध्ये 'अनुपमा' या हिंदी मालिकेच्या सेटवर भीषण आग लागली. या आगीत मालिकेचा सेट संपूर्ण जळून खाक झाल्याची माहिती मिळत आहे.

मुंबईतील फिल्म सिटीमध्ये भीषण आग लागल्याची माहिती मिळत आहे. सोमवारी(२३ जून) सकाळी फिल्म सिटीमध्ये 'अनुपमा' या हिंदी मालिकेच्या सेटवर भीषण आग लागली. या आगीत मालिकेचा सेट संपूर्ण जळून खाक झाल्याची माहिती मिळत आहे. घटनेची माहिती मिळताच अग्निशमन दलाच्या ५ गाड्या घटनास्थळी पोहोचून आगीवर नियंत्रण मिळवण्याचा प्रयत्न करत आहे. 

२३ जून रोजी सकाळी 'अनुपमा' मालिकेच्या सेटवर अचानक आग लागली. आग लागली तेव्हा सेटवर काही लोक उपस्थित होते. त्यांना यशस्वीपणे बाहेर काढण्यात आलं आहे. सुदैवाने यामध्ये कोणालाही दुखापत झालेली नाही. 'अनुपमा' मालिकेच्या सेटवर आग नक्की कशामुळे लागली याचं कारण अद्याप समोर आलेलं नाही. PTI आणि IANS च्या ट्वीटवर हँडलवरुन सेटवर लागलेल्या आगीचा व्हिडिओ शेअर करण्यात आला आहे. 

Mumbai: A fire broke out early morning at the Anupama serial set in Mumbai’s Goregaon Film City. Five fire brigade vehicles responded promptly, and no injuries have been reported. Firefighters are actively working to control the blaze pic.twitter.com/gVhWFabqSv

— IANS (@ians_india) June 23, 2025

'अनुपमा' हा हिंदी टेलिव्हिजनवरील लोकप्रिय शो आहे. या शोमध्ये अभिनेत्री रुपाली गांगुली मुख्य भूमिकेत आहे. गेल्या कित्येक वर्षांपासून ही मालिका प्रेक्षकांचं मनोरंजन करत आहे. मराठीतील आई कुठे काय करते या मालिकेचा 'अनुपमा' मालिका रिमेक आहे.