The Kerala Storyची बॉक्स ऑफिसवर रेकॉर्ड ब्रेक कमाई, 17व्या दिवशी केली इतक्या कोटींची कमाई, जाणून घ्या

चित्रपट प्रदर्शित होऊन 17 दिवस झाले असले तरी प्रेक्षकांमध्ये क्रेझ काही कमी झालेली नाही.

सर्व वादांनी वेढलेले असतानाही 'द केरळ स्टोरी'ने पहिल्या दिवसापासून बॉक्स ऑफिसवर आपली पकड कायम ठेवली आहे. दुसऱ्या वीकेंडला ही 'द केरळ स्टोरी'ने  बॉक्स ऑफिसवर दमदार कमाई केली आहे. शनिवार-रविवार या चित्रपटाने जोरदार कमाई केली.

17 दिवसांमध्ये कमावला इतके कोटी
अदा शर्मा स्टारर 'द केरळ स्टोरी' या चित्रपटाला प्रेक्षकांचे भरभरून प्रेम मिळत आहे. चित्रपट प्रदर्शित होऊन 17 दिवस झाले असले तरी त्याची क्रेझ प्रेक्षकांच्या डोक्यावरून जात आहे. यासोबतच दुसऱ्या वीकेंडलाही चित्रपट पाहण्यासाठी थिएटरमध्ये मोठी गर्दी झाली होती. त्याचबरोबर चित्रपटाच्या तिसऱ्या रविवारच्या कमाईचा आकडेही आला आहे. 

बॉक्स ऑफिस ट्रॅकर सचनिकच्या आकडेवारीनुसार,  'द केरळ स्टोरी'ने रिलीजच्या 17 व्या दिवशी म्हणजे तिसर्‍या रविवारी 11 कोटींचा बिझनेस केला आहे. यासह चित्रपटाची एकूण कमाई आता 198.47 कोटींवर गेली आहे.

'द केरळ स्टोरी'ने दुसऱ्या वीकेंडला जबरदस्त कलेक्शन केले आहे. त्यामुळे हा चित्रपट आता २०० कोटींचा टप्पा पार करण्यापासून केवळ एक इंचभर दूर आहे. रिलीजच्या 18 व्या दिवशी हा चित्रपट नक्कीच हा जादुई आकडा पार करेल आणि यासोबतच शाहरुख खान स्टारर 'पठाण' या चित्रपटानंतर 200 कोटी क्लबमध्ये सामील होणारा हा चित्रपट 2023 मधील दुसरा चित्रपट ठरेल.