'चक दे इंडिया'साठी शाहरुख खानला नव्हती पहिली पसंती, या सुपरस्टारची झालेली निवड

Chak De India Movie :'चक दे ​​इंडिया' हा चित्रपट शाहरुख खानच्या कारकिर्दीतील सर्वोत्तम चित्रपटांपैकी एक आहे. या चित्रपटाने केवळ प्रेक्षकांना प्रभावित केले नाही तर बॉक्स ऑफिसवरही चांगली कमाई केली.

'चक दे ​​इंडिया' (Chak De India Movie) हा चित्रपट शाहरुख खान(Shah Rukh Khan)च्या कारकिर्दीतील सर्वोत्तम चित्रपटांपैकी एक आहे. या चित्रपटाने केवळ प्रेक्षकांना प्रभावित केले नाही तर बॉक्स ऑफिसवरही चांगली कमाई केली. या चित्रपटाने पहिल्याच दिवशी अनेक विक्रम मोडले. मात्र अनेकांना हे माहित नाही की या चित्रपटासाठी शाहरुख खानला पहिली पसंती नव्हती. सलमान खान (Salman Khan) या चित्रपटात हॉकी प्रशिक्षकाची भूमिका साकारणार होता. 

काही मीडिया रिपोर्ट्समध्ये असा दावा करण्यात आलाय की, सलमान खानने 'चक दे ​​इंडिया'साठी तगडे मानधन मागितले होते. 'एक था टायगर' चित्रपट येईपर्यंत आदित्य चोप्राने त्याच्यासोबत काम का केले नाही याचे कारण हेच आहे, जरी सलमानने या चित्रपटात त्याच्या स्वतःच्या अटींवर काम केले. सलमान खानने 'सुलतान' चित्रपटाच्या प्रमोशन दरम्यान सांगितले होते की, तो 'चक दे ​​इंडिया'मध्ये का काम करत नाही?

सलमानची इमेज प्रशिक्षकाची भूमिका साकारण्याची नव्हती
सलमान खानने मस्करीत म्हटले होते की, ''शाहरुख खानलाही काही चांगले चित्रपट मिळावेत म्हणून मी हा चित्रपट सोडला.' यानंतर सलमान खान म्हणाला की, त्यावेळी त्याची प्रतिमा कबीर खानसारख्या प्रशिक्षकाची भूमिका साकारण्याची नव्हती. त्याने सांगितले की, चाहत्यांमध्ये हिरोच्या अपेक्षा असल्याने त्याने हा चित्रपट सोडला.''

प्रेक्षकांना सलमानकडून होत्या अपेक्षा
सलमान खान म्हणाला, ''जेव्हा मला 'चक दे ​​इंडिया' मिळाला तेव्हा माझी प्रतिमा पूर्णपणे वेगळी होती, मी पार्टनर आणि त्या पद्धतीचे चित्रपट करायचो. मी 'चक दे ​​इंडिया' सोडण्याचे एकमेव कारण म्हणजे माझ्या चाहत्यांना मी भारतासाठी सामना जिंकण्याची अपेक्षा होती, जरी चित्रपटात ते नव्हते. त्यावेळी माझ्याकडे अशी शैली नव्हती.''

सलमान करतो व्यावसायिक चित्रपट 
सलमान खान म्हणाला की, ''चक दे ​​इंडिया' हा एक गंभीर चित्रपट होता. तो म्हणाला की 'हा एक गंभीर प्रकारचा चित्रपट होता आणि मी जास्त व्यावसायिक प्रकारचा चित्रपट करत होतो जो मी अजूनही करत आहे. मी कधीही व्यावसायिक चित्रपटांच्या क्षेत्रातून बाहेर पडणार नाही, परंतु व्यावसायिक क्षेत्रात बरेच चांगले चित्रपट येतील.''

'चक दे ​​इंडिया' बद्दल
'चक दे ​​इंडिया'चे दिग्दर्शन शिमित अमीन यांनी केले होते. २००७ मध्ये प्रदर्शित झालेला हा चित्रपट 'ओम शांती ओम' नंतर वर्षातील दुसरा सर्वाधिक कमाई करणारा चित्रपट ठरला.