बिग बींनंतर Salman Khanने भाड्याने दिला फ्लॉट, जाणून घ्या किती आहे महिन्याचे भाडे !

बिग बी अमिताभ बच्चन यांच्यानंतर आता सलमान खान (Salman Khan) ने देखील त्याची मुंबईतील एक प्रॉपर्टी भाड्याने दिल्याची माहिती समोर येते  आहे.  काही मीडिया रिपोर्ट्समध्ये असा दावा करण्यात आला आहे की, सलमान खानने त्याची वांद्रे येथील एक प्रॉपर्टी 95,000 रुपये प्रति महिना भाड्याने दिली आहे. सलमान खान स्वत: वांद्रे येथील गॅलेक्सी अपार्टमेंटमध्ये कुटुंबासोबत राहतो.

मीडिया रिपोर्ट्सनुसार, अभिनेत्याची मुंबई आणि मुंबईबाहेरही अनेक मालमत्ता आहेत. ही मालमत्ता ३३ महिन्यांसाठी भाड्याने देण्यात आली असून, ६ डिसेंबर रोजीच या मालमत्तेशी संबंधित एग्रीमेंट करण्यात आल्याचे सांगण्यात येत आहे. असे सांगितले जात आहे की वांद्रे येथे स्थित ही मालमत्ता 14 व्या मजल्यावरील एक अपार्टमेंट आहे.  756 स्क्वेअर फूटाचा हा फ्लॉट आहे.

यापूर्वी अशी बातमी आली होती की सलमान खानच्या प्रोडक्शन हाऊसने बिल्डर बाबा सिद्दीकी यांच्या फर्मकडून वांद्रे येथील एक मालमत्ता भाड्याने घेतली आहे. ही मालमत्ता मकबा हाइट्सच्या  17व्या आणि 18व्या मजल्यावर डुप्लेक्स आहे. मीडिया रिपोर्ट्सनुसार, सलमान खानच्या चित्रपटाची स्क्रिप्ट लिहिणाऱ्या लेखकासाठी ही मालमत्ता घेतली आहे.  ही मालमत्ता 11 महिन्यांसाठी भाड्याने घेण्यात आली आहे आणि तिचे एकूण क्षेत्रफळ 2265 स्क्वेअर फूट आहे.

वर्क फ्रंटबद्दल बोलायचे झाले तर सलमान खान अलीकडेच 'अँटीम: द फायनल ट्रुथ' या चित्रपटात दिसला आहे. या चित्रपटाने बॉक्स ऑफिसवर चांगली कमाई केली आहे. त्याच वेळी, सलमान आता 'पठाण'मध्ये दिसणार  आहे ज्यामध्ये अभिनेत्याची छोटीशी भूमिका आहे