अभिषेक बच्चन-ऐश्वर्या रायच्या लग्नात राणी मुखर्जीला नव्हतं निमंत्रण?, यामागचं कारण आलं समोर

Abhishek Bachchan-Aishwarya Rai And Rani Mukherjee : अभिषेक बच्चन आणि ऐश्वर्या रायच्या लग्नात राणी मुखर्जीला आमंत्रित करण्यात आले नव्हते. याबद्दल खुद्द अभिनेत्रीने सांगितले.

अभिषेक बच्चन (Abhishek Bachchan) आणि ऐश्वर्या राय (Aishwarya Rai) यांचे २००७ साली लग्न झाले. संगीत सोहळ्यापासून ते पारंपारिक मिरवणुकीपर्यंत या जोडप्याच्या लग्नाची बरीच चर्चा झाली. ऐश्वर्या आणि अभिषेकच्या लग्नाला अनेक बॉलिवूड सेलिब्रिटींनी हजेरी लावली होती. मात्र, एका अभिनेत्रीला आमंत्रित केले गेले नाही. ती म्हणजे राणी मुखर्जी. बंटी और बबलीमध्ये अभिषेक बच्चन आणि राणी मुखर्जी (Rani Mukherjee) यांनी स्क्रीन शेअर केली होती. राणी अभिषेक आणि ऐश्वर्याच्या लग्नाच्या कार्यक्रमातून गायब झाल्यानंतर अनेकांच्या भुवया उंचावल्या होत्या. एका मुलाखतीत राणी मुखर्जीने याबाबत सांगितले होते.

फिल्मफेअरला दिलेल्या मुलाखतीत राणी मुखर्जीने तिचा सहअभिनेता अभिषेक बच्चनच्या लग्नात आमंत्रित न करण्याबद्दल सांगितले होते आणि त्याबद्दल फक्त तीच सांगू शकते असे सांगितले होते. ती म्हणाली की, तो आपल्या लग्नात कोणाला आमंत्रित करतो ही त्याची वैयक्तिक निवड आहे. ती असेही म्हणाली की कोणीही गोंधळून जाऊ शकतो आणि विचार करू शकतो की ते मित्र आहेत, परंतु कधीकधी स्टार्समधील मैत्री फक्त सेटवर सह-कलाकार होण्यापुरती मर्यादित असते.

ती पुढे म्हणाली, "याशिवाय, एखाद्याला लग्नासाठी आमंत्रित करणे ही वैयक्तिक निवड आहे. उद्या जेव्हा मी लग्न करण्याचा निर्णय घेईन तेव्हा मी काही मूठभर लोकांना निवडेन ज्यांना मला आमंत्रित करायचे आहे. त्याच्यासोबत काम करण्याच्या चांगल्या आठवणी आमच्या कायम राहतील.

अभिषेक आणि राणीने झळकले या सिनेमात
अभिषेक बच्चन आणि राणी मुखर्जी यांनी एकापेक्षा जास्त चित्रपटांमध्ये स्क्रीन शेअर केली आहे. बंटी और बबली, युवा, कभी अलविदा ना कहना आणि अनेक चित्रपटांमध्ये ते एकत्र दिसले. ऐश्वर्या राय आणि राणी मुखर्जीबद्दल असंही म्हटलं जात होतं की ते एकेकाळी खूप जवळच्या मैत्रिणी होत्या. मात्र, ऐश्वर्याची जागा राणीने घेतल्यानंतर लगेचच दोघांमध्ये शीतयुद्ध सुरू झाले.