कियारा अडवाणीने दिशा पाटनीकडून हिसकावला हा मोठा प्रोजेक्ट

कियारा अडवाणी सध्या बॉलिवूडची फेवरेट बनली आहे. काही महिन्यांपूर्वी नेटफ्लिक्सवर कियाराची ‘लस्ट स्टोरिज’ ही वेबसीरिज रिलीज झाली होती. ही वेबसीरिज प्रचंड गाजली होती. तेव्हापासून आता कियारा बॉलिवूडमधील अनेकींना टक्कर देताना दिसतेय.

ठळक मुद्देहोय, दिशा पाटनीच्या हातचा एक मोठा प्रोजेक्ट कियाराने हिसकावला आहे.

कियारा अडवाणी सध्या बॉलिवूडची फेवरेट बनली आहे. काही महिन्यांपूर्वी नेटफ्लिक्सवर कियाराची ‘लस्ट स्टोरिज’ ही वेबसीरिज रिलीज झाली होती. ही वेबसीरिज प्रचंड गाजली होती. तेव्हापासून आता कियारा बॉलिवूडमधील अनेकींना टक्कर देताना दिसतेय. होय, दिशा पाटनीच्या हातचा एक मोठा प्रोजेक्ट कियाराने हिसकावला आहे. डिएनएने दिलेल्या वृत्तानुसार, कियाराने दिशाकडून एका मोठ्या ब्रँडची जाहिरात हिसकावून घेतली आहे. दिशा आधीपासून या ब्रँडशी जुळलेली होती आणि या ब्रँडची टेलकम पावडर प्रमोट करत होती. पण दिशा असतानांच या ब्रँडने कियाराला घेतले. या ब्रँडचे फेस वॉश, सीरम आणि बॉडी लोशन रेंज कियारा प्रमोट करू लागली. यादरम्यान दिशाचा करार संपला. पण ब्रँडने या कराराचे नुतनीकरण करण्याऐवजी दिशाच्या जागी कियाराला साईन केले.

दिशा पाटनी सध्या एक लिंजरी ब्रँड प्रमोट करतेय. याशिवाय सलमान खान स्टारर ‘भारत’ या चित्रपटातही बिझी आहे. कियाराचे म्हणाल तर ‘लस्ट स्टोरिज’नंतर करण जोहरच्या दोन प्रोजेक्टमध्ये तिची वर्णी लागली आहे. होय, धर्मा प्रॉडक्शनच्या ‘कलंक’ आणि ‘गुड न्यूज’ या चित्रपटांत दिशा दिसणार आहे. ‘कलंक’ या चित्रपटात आलिया भट्ट आणि वरूण धवन लीड रोलमध्ये आहेत. तर ‘गुड न्यूज’मध्ये अक्षय कुमार व करिना कपूर मध्यवर्ती भूमिकेत दिसणार आहेत. या दोन चित्रपटांशिवाय ‘अर्जुन रेड्डी’ यात कियारा स्वत: लीड रोलमध्ये आहे. यात ती शाहिद कपूरसोबत स्क्रिन शेअर करताना दिसणार आहे. एकंदर काय तर कियाराचे स्टार सध्या चांगलेच जोरात आहेत. येत्या दिवसांत ती काय काय करते ते बघूच.