KBC16 मध्ये वरुण धवनने सांगितलं लेकीचं नाव, बिग बी म्हणाले - "घरी लक्ष्मी आलीय..."

Varun Dhawan : बॉलिवूड अभिनेता वरुण धवन सध्या त्याच्या आगामी 'सिटाडेल: हनी बनी' या वेबसीरिजमुळे चर्चेत आहे.

बॉलिवूड अभिनेता वरुण धवन (Varun Dhawan) सध्या त्याच्या आगामी 'सिटाडेल: हनी बनी' या वेबसीरिजमुळे चर्चेत आहे. ही ॲक्शन-पॅक सीरिज ७ नोव्हेंबर २०२४ रोजी OTT प्लॅटफॉर्म अॅमेझॉन प्राइम व्हिडीओवर रिलीज होणार आहे. दरम्यान, वरुण धवनचा एक व्हिडिओ वेगाने व्हायरल होत आहे.

वरुण धवन लवकरच 'कौन बनेगा करोडपती १६' मध्ये पाहुणा म्हणून येणार आहे. 'केबीसी १६' च्या आगामी एपिसोडमध्ये अमिताभ बच्चन आणि वरुण धवन त्यांच्या वडील होण्याच्या प्रवासाविषयी बोलताना दिसणार आहेत. या आगामी एपिसोडचा प्रोमो व्हिडिओ सोशल मीडियावर व्हायरल होत आहे.

वरुण आणि नताशा जूनमध्ये झाले आई-बाबा
वरुण धवन आणि त्याची पत्नी नताशा दलाल जून २०२४ मध्ये एका सुंदर मुलीचे पालक झाले आहेत. वरुणने स्वत: आपल्या मुलीच्या जन्माची गोड बातमी सोशल मीडियावर शेअर केली होती, परंतु अद्यापपर्यंत त्यांनी आपल्या मुलीचे नाव काय ठेवले आहे हे सांगितले नाही.

अमिताभ बच्चन यांनी वरुणला विचारले त्यांच्या मुलीचे नाव 
प्रोमो व्हिडिओमध्ये, बिग बी अभिनेता वरुण धवनला त्याच्या मुलीसाठी मनापासून शुभेच्छा देताना दिसत आहे. बिग बी म्हणाले की, ही दिवाळी त्यांच्यासाठी खूप खास असेल कारण त्यांच्या घरी देवी लक्ष्मी आली आहे. अमिताभ बच्चन पुढे म्हणाले की, तुम्ही तुमच्या मुलीच्या नावाचा विचार केला आहे का? बिग बींच्या वक्तव्याला उत्तर देताना वरुण धवन म्हणाला की, आम्ही आमच्या मुलीचे नाव लारा ठेवले आहे. मी अजूनही तिच्याशी कनेक्ट व्हायला शिकत आहे. तुम्ही म्हटल्याप्रमाणे, बाळ घरी आल्यावर सर्व काही बदलते.

वरुण धवनने बिग बींना केला सवाल
यानंतर वरुण धवनने अमिताभ बच्चन यांना वडील बनल्यावर कसे वाटले असे विचारले, ज्यावर बिग बी भावूक झाले आणि म्हणाले की हे खूप छान आहे. मग वरुणने गमतीने विचारले की, तुम्हाला पुरेशी झोप मिळत होती का मुलाने तुम्हाला जागे केले? बिग बी हसत हसत म्हणाले की, अरे, आम्ही झोपायचो पण सर्व काही ठीक आहे की नाही ही चिंता नेहमीच असायची.