अजय देवगणच्या 'रेड २'मधून इलियाना डिक्रुझचा पत्ता कट, लागली या अभिनेत्रीची वर्णी

२०१८ मध्ये प्रदर्शित झालेला 'रेड' (Raid) हा चित्रपट बॉक्स ऑफिसवर हिट ठरला होता. आता या चित्रपटाचा सीक्वल येत आहे.

२०१८ मध्ये प्रदर्शित झालेला 'रेड' (Raid) हा चित्रपट बॉक्स ऑफिसवर हिट ठरला होता. अजय देवगण (Ajay Devgn) अभिनीत या चित्रपटाला प्रेक्षक आणि समीक्षकांकडून सकारात्मक प्रतिसाद मिळाला. आता ७ वर्षांनंतर, 'रेड' (रेड २)(Raid 2 Movie)चा सीक्वल येत आहे, ज्याची चाहत्यांमध्ये खूप क्रेझ आहे. ८ एप्रिल रोजी निर्मात्यांनी रेड २ चा ट्रेलर रिलीज केला आहे. त्यामध्ये 'रेड' पार्ट १ मध्ये सहभागी झालेली अभिनेत्री इलियाना डिक्रूझ गायब आहे. तिच्या जागी दुसरी प्रसिद्ध बॉलिवूड अभिनेत्री दिसते आहे.

जेव्हा जेव्हा कोणत्याही चित्रपटाचा सीक्वल बनवला जातो तेव्हा त्याची स्टारकास्ट तीच राहते. त्याच्यात फार क्वचितच बदल होताना दिसतो. पण अजय देवगणच्या 'रेड २' मध्ये हे घडले आणि चित्रपटातील मुख्य अभिनेत्री इलियाना डिक्रूझला भाग २ मधून वगळण्यात आले आहे. 'रेड २'च्या ट्रेलरमध्ये स्पष्टपणे दिसून येते की इलियानाऐवजी अभिनेत्री वाणी कपूर या चित्रपटात दिसणार आहे. 'रेड'मध्ये ती आयकर अधिकारी अमय पटनायक (अजय देवगण) यांची पत्नी मालिनी पटनायकची भूमिका साकारत आहे. ट्रेलरमध्ये वाणी पाहायला मिळते आहे. यात तिची महत्त्वाची भूमिका असणार आहे.

इलियानाच्या हातून का निसटला 'रेड २'?
७ वर्षांपूर्वी प्रदर्शित झालेल्या 'रेड'मध्ये इलियाना डिक्रूझने अमेय पटनायकच्या पत्नीची भूमिका खूप चांगल्या प्रकारे साकारली होती. समीक्षक आणि चाहत्यांना तिचा अभिनय खूप आवडला होता. मात्र असे असूनही ती रेड २ चा भाग नाही. याचे मुख्य कारण म्हणजे इलियाना दुसऱ्यांदा आई होणार आहे आणि ती गरोदरपणामुळे रेड २ मधून बाहेर असल्याची चर्चा आहे.

रेड २ स्टारकास्ट
रेड पार्ट २ चा ट्रेलर पाहिल्यानंतर, चित्रपटाच्या संपूर्ण स्टारकास्टची माहिती देखील समोर आली आहे. या चित्रपटात अजय देवगण आणि वाणी कपूर व्यतिरिक्त, रितेश देशमुख, सौरभ शुक्ला, धनकौर आणि रजत कपूर सारखे अनेक कलाकार महत्त्वाच्या भूमिकांमध्ये दिसणार आहेत. अजयचा 'रेड' हा चित्रपट १ मे २०२५ रोजी प्रदर्शित होणार आहे.