20 वर्षे लहान कंगना राणौतसोबत आदित्य पंचोली होता लिव्हइनमध्ये, अभिनेत्रीने केला होता मारहाणीचा आरोप

आदित्य (Aditya Pancholi) आणि कंगना यांच्यात जवळजवळ २० वर्षांचे अंतर होते. आदित्य तिच्यामागे पूर्णपणे वेडा झाला होता. 

बॉलिवूड अभिनेता, दिग्दर्शक आणि निर्माता आदित्य पांचोली (Aditya Pancholi) चा आज वाढदिवस आहे. आदित्य पांचोलीचा जन्म ४ जानेवारी १९६५ रोजी मुंबईत झाला. आदित्य पांचोलीने फिल्मी दुनियेत पाऊल ठेवण्यापूर्वीच त्याच्यापेक्षा सहा वर्षांनी मोठ्या असलेल्या झरीना वहाबशी लग्न केले होते. आदित्य (Aditya Pancholi)चा मुलगा सूरज पांचोली आहे ज्याने सलमान खानच्या 'हीरो' चित्रपटातून बॉलिवूडमध्ये पदार्पण केले.

कंगना राणौत (Kangana Ranaut) जेव्हा इंडस्ट्रीत आपलं करिअर करत होती, तेव्हा ती आदित्य पांचोलीसोबत रिलेशनशिपमध्ये होती. कंगनाने एका मुलाखतीत सांगितले होते की, त्या वेळी ती अल्पवयीन असताना आदित्यने तिला कसे ओलीस ठेवले होते.आदित्य आणि कंगना यांच्यात जवळजवळ २० वर्षांचे अंतर होते. आदित्य तिच्यामागे पूर्णपणे वेडा झाला होता. 

आदित्यने एका मुलाखतीत सांगितले होते की, आम्ही अनेक वर्षं पती-पत्नीसारखेच राहिलो असल्याचे सांगितले होतं.आमच्या दोघांसाठी मी घर देखील घेत होतो. आम्ही तीन वर्षं एका मित्राच्या घरात एकत्र राहात होतो. कंगनाने आदित्यवर मारहाण, शारीरिक शोषणा आणि शिवीगाळ केल्याचा आरोप केले होते.

आदित्यला त्याची खरी ओळख महेश भट्ट यांच्या 'जख्मी जमीन' या चित्रपटातून मिळाली. तारकीब, जोडीदार, आँखे, ये दिल आशिकाना, येस बॉस अशा अनेक सुपरहिट चित्रपटांमध्ये त्यांनी काम केले. 80 आणि 90 च्या दशकात त्यांची कारकीर्द बहरली होती. त्याने बहुतेक चित्रपट सहाय्यक कलाकार म्हणून केले.