Ohh No...!! दीपिका पादुकोणने इस्टाग्रामवरच्या सर्व पोस्ट केल्या डिलीट; ट्विटर, फेसबुकही झाले खाली

सोशल मीडियापासून ब्रेक की प्रमोशनचा फंडा? चाहत्यांना मोठा धक्का

ठळक मुद्देदीपिकाचे सोशल अकाऊंट हॅक झाले की काही तांत्रिक कारणाने असे झालेय? असा प्रश्नही अनेकांना पडला आहे.

बॉलिवूडची ‘मस्तानी’ दीपिका पादुकोण हिच्या मनात नेमके चाललेय तरी काय? जुन्या सगळ्या आठवणी तिला पुसून काढायच्या आहेत की हा प्रमोशनचा फंडा आहे? कळायला मार्ग नाही. आता तुम्ही म्हणाल, असे काय झाले तर दीपिका पादुकोणचे इन्स्टाग्राम अकाऊंट, ट्विटर इतकेच नाही तर फेसबुक पूर्णपणे खाली आहे.  होय, या अकाऊंटवरच्या सगळ्या पोस्ट डिलीट झल्या आहेत. होय, त्यावर एकही पोस्ट नाही. दीपिकाचे सोशल अकाऊंट अचानक अशापद्धतीने खाली झालेले पाहूनच साहजिकच तिच्या चाहत्यांना मोठा धक्का बसला आहे. 

दीपिका सध्या रणथंबोर येथे पती रणवीर सिंगसोबत न्यू ईअर सेलिब्रेट करतेय. याचदरम्यान नवे वर्षाचे काऊंटडाऊन सुरु असताना दीपिकाच्या सर्व सोशल अकाऊंटच्या पोस्ट डिलीट झालेल्या दिसल्या. इन्स्टाग्रामवर दीपिकाचे 52 मिलियनपेक्षा अधिक फॉलोअर्स आहेत. ट्विटरवरही हजारो लोक तिला फॉलो करतात, मग अचानक दीपिकाने सगळ्या पोस्ट का डिलीट केल्यात? असा प्रश्न सर्वांना पडला आहे.

काय आहे कारण?
दीपिकाचे सोशल अकाऊंट हॅक झाले की काही तांत्रिक कारणाने असे झालेय? असा प्रश्नही अनेकांना पडला आहे. अर्थात काहींना  प्रमोशनचा फंडा वाटत आहे. तर अनेकांना दीपिकाने जाणीवपूर्वक नवीन वर्षात सोशल मीडियापासून दूर राहण्याचा निर्णय घेतला असावा,असे वाटतेय. पण दीपिकाने याआधी कधीही असे केलेले नाही. सोशल मीडियावर ती कमालीची अ‍ॅक्टिव्ह आहे. स्वत:चे पर्सनल फोटो, प्रोजेक्टबद्दलची माहिती असे सगळे ती शेअर करत असते. गेले वर्ष दीपिकासाठी काहीसे चढऊताराचे राहिले, हे मात्र खरे.  ड्रग केसमध्ये नाव आल्यानंतर तिला एनसीबी चौकशीलाही सामोरे जावे लागले. पण यानंतर दीपिका तिच्या सगळे विसरून तिच्या आगामी सिनेमांचे शूटींग सुरू केले आहे.