हाँगकाँगमध्ये वाढदिवस साजरा करणार आलिया भट, रणबीर-राहासोबत फिरतानाचा व्हिडीओ व्हायरल

हाँगकाँगमध्ये एन्जॉय करतायेत रणबीर आलिया अन् राहा

बॉलिवूडची आघाडीची अभिनेत्री आलिया भट उद्या १५ मार्च रोजी वाढदिवस साजरा करणार आहे. आलिया ३३ वर्षांची होणार आहे. बायकोचा वाढदिवस साजरा करण्यासाठी रणबीर कपूर आलिया आणि लेक राहाला घेऊन हाँगकाँगला पोहोचला आहे. तिथे हे कुटुंब मजा मस्ती करत आहेत. एका पार्कमध्ये राहाला फिरवातानाचा त्यांचा व्हिडीओ सोशल मीडियावर व्हायरल होतोय.

आलिया भट प्रोफेशनल आयुष्यात यशस्वी आहेच शिवाय वैयक्तिक आयुष्यातही ती सेट आहे. लग्न आणि आता लेकीसोबत ती व्यग्र आहे. रणबीर-आलियाची लेक राहा ४ वर्षांची असून तीच आता त्यांचं आयुष्य बनली आहे. क्युट राहाचा आईबाबांसोबतचा बाँड सोशल मीडियावर सर्वांनीच पाहिला. हे तिघेही सध्या हाँगकाँगमध्ये व्हेकेशनवर आहेत. उद्या आलियाचा वाढदिवस साजरा करण्यासाठी तिघेही क्वॉलिटी टाईम घालवत आहेत. हाँगकाँगमधील एका पार्कमध्ये राहा आईबाबांचा हात पकडून मस्त फिरताना दिसत आहे.  रणबीर कपूर आणि आलिया एकदम कॅज्युअल लूकमध्ये दिसत आहेत. त्यांचा व्हिडीओ सोशल मीडियावर व्हायरल होतोय.

Alia Bhatt with family in Hong Kong 📸 pic.twitter.com/BUVkYRGnvB

— Alia's nation (@Aliasnation) March 13, 2026

गेल्या काही दिवसांपासून रणबीर आणि आलिया प्रोफेशनल आयुष्यात व्यग्र होते. दोघंही भन्साळींच्या 'लव्ह अँड वॉर' सिनेमाचं शूट करत होते. तर रणबीर 'रामायण' सिनेमाचीही तयारी करत होता. तरी वेळात वेळ काढून ते लेकीसोबत दिसायचे. नुकतंच टी २० विश्वचषकाच्या भारत विरुद्ध इंग्लंड यांच्यात रंगलेला सेमी फायनल सामना पाहण्यासाठी आलिया आणि रणबीर वानखेडेवर आले होते. त्यांच्यासोबत चिमुकल्या राहानेही मॅच एन्जॉय केली. तेव्हा या तिघांचे फोटो, व्हिडीओ  सोशल मीडियावर तुफान व्हायरल झाले होते.