प्रसिद्ध अभिनेत्याचा संशयास्पद मृत्यू, रस्त्यावर आढळला मृतदेह, कमल हसन यांच्यासोबत केलं होतं काम

६० वर्षीय अभिनेता दीर्घकाळापासून आर्थिक समस्यांशी झुंजत होता. त्यामुळे तो सतत कामाच्या शोधात होता.

सहाय्यक भूमिकेसाठी प्रसिद्ध असलेले तमिळ इंडस्ट्रीतील प्रसिद्ध अभिनेता मोहन (Tamil Actor Mohan) यांचे शुक्रवारी रहस्यमय अवस्थेत निधन झाले. अभिनेत्याच्या निधनानंतर इंडस्ट्रीत शोककळा पसरली आहे. त्याचवेळी, अशा परिस्थितीत अभिनेत्याचा मृत्यू झाल्याने सर्वांनाच आश्चर्याचा धक्का बसला आहे. वृत्तानुसार, अभिनेत्याचा मृतदेह मदुराईतील थिरुपरकुंडरम मंदिराजवळील रस्त्यावर आढळून आला.

मिळालेल्या माहितीनुसार, ६० वर्षीय अभिनेते मोहन दीर्घकाळापासून आर्थिक समस्यांशी झुंजत होते. त्यामुळे तो सतत कामाच्या शोधात होता. त्याचबरोबर चित्रपटसृष्टीत आपले पाय रोवण्याचा त्यांचा बराच काळ प्रयत्न होता. अभिनेता सालेम जिल्ह्यातील मेत्तूरचा रहिवासी होता. त्याचवेळी आर्थिक परिस्थितीमुळे त्रस्त असल्यामुळे ते आपल्या गावी न राहता मेन चॅरिएट रोडवर राहत होते.

रिपोर्टनुसार, ३१ जुलै रोजी स्थानिक लोकांनी त्याचा मृतदेह रस्त्यावर पाहिला आणि त्यानंतर पोलिसांना घटनेची माहिती दिली. त्याचवेळी या प्रकरणाबाबत पोलिसांचे म्हणणे आहे की, मोहनचा मृतदेह पोस्टमॉर्टमसाठी मदुराईच्या सरकारी रुग्णालयात पाठवण्यात आला आहे. त्यानंतर अभिनेत्याचे पार्थिव अंत्यसंस्कारासाठी त्याच्या कुटुंबीयांकडे सुपूर्द केले जाईल. त्याचवेळी या घटनेची माहिती मिळताच कुटुंबावर शोककळा पसरली आहे. कुटुंबातील सदस्यांची अवस्था वाईट आहे.

कमल हासनसोबत केलंय काम 
मोहनची सर्वात लोकप्रिय भूमिका १९८९ मध्ये कमल हासनच्या अपूर्व सगोधररगल या चित्रपटात होती. या चित्रपटात त्याने काम हसनच्या मित्राची भूमिका साकारली होती. जे लोकांना खूप आवडले. याशिवाय तो नान कडवूल या चित्रपटातही दिसला होता. तो फिल्म इंडस्ट्रीमध्ये त्याच्या कमी उंचीसाठी खूप प्रसिद्ध होता.