Gujarat Lok Sabha Election 2024 | Gujarat Lok Sabha Election Result 2024 Live Updates | Gujarat Lok Sabha Election Winner List | गुजरात लोकसभा निवडणूक निकाल २०२४, ताज्या मराठी बातम्या |Gujarat Lok Sabha Election Result - Latest Marathi News

सुरत : गुजरातमध्ये लोकसभा निवडणुकीपूर्वीच भाजपाने खातं उघडले आहे. छाननीवेळी काँग्रेस उमेदवार नीलेश कुंभाणी यांचा अर्ज बाद झाल्यानंतर अन्य उमेदवारांनीही अर्ज मागे घेतल्याने सुरतचे भाजपा उमेदवार मुकेश दलाल हे बिनविरोध निवडून आले. जिल्हाधिकारी तथा निवडणूक निर्णय अधिकारी सौरभ पारधी यांनी मुकेश दलाल यांच्या विजयाची घोषणा करत त्यांना प्रमाणपत्र दिले. यानंतर आता सुरतमध्ये मोठ्या राजकीय घडामोडी घडत आहेत.भाजपाचे उमेदवार मुकेश दलाल यांच्या बिनविरोध विजयामुळे काँग्रेसचे उमेदवार असलेले नीलेश कुंभाणी सध्या चर्चेत आहेत. नीलेश कुंभाणी हे भाजपामध्ये सामील होण्याची शक्यता आहे. या आठवड्यात ते भाजपामध्ये प्रवेश करणार असल्याचे सूत्रांचे म्हणणे आहे. दरम्यान, नीलेश कुंभाणी लवकरच भाजपामध्ये प्रवेश करणार असल्याच्या वृत्तामुळे काँग्रेस कार्यकर्ते त्यांना विरोध करत आहेत. नीलेश कुंभाणी यांना देशद्रोही आणि लोकशाहीचा हत्यारा म्हणत काँग्रेस कार्यकर्ते त्यांच्या घराबाहेर निदर्शने करत आहेत.दुसरीकडे, सुरत लोकसभा जागेवर भाजपाचे उमेदवार मुकेश दलाल यांच्या बिनविरोध विजयानंतर काँग्रेसने निवडणूक आयोगाकडे धाव घेतली आहे. मुकेश दलाल यांना अनावश्यक प्रभावातून विजयी घोषित केल्याचा आरोप काँग्रेसने केला आहे. या जागेवर नव्याने निवडणुका घ्याव्यात, अशी काँग्रेसची मागणी आहे. काँग्रेसने असा दावा केला आहे की, भाजपाला व्यापारी समुदायाची भीती वाटत होती, त्यामुळेच त्यांनी सूरत लोकसभा मतदारसंघात मॅच फिक्सिंगचा प्रयत्न केला.दरम्यान, गुजरातमधील सर्व २६ जागांसाठी तिसऱ्या टप्प्यात ७ मे रोजी मतदान आहे. त्यासाठी अर्ज मागे घेण्याचा सोमवारी शेवटचा दिवस होता. सुरत मतदारसंघातील बसपाचे प्यारेलाल भारती, तीन छोटे पक्ष व चार अपक्षांनी आपला अर्ज मागे घेतला. तत्पूर्वी छाननीवेळी कॉंग्रेसचे नीलेश कुंभाणी यांच्या अर्जावरील सूचकांच्या स्वाक्षरी बनावट आढळल्याने अर्ज बाद ठरविला होता. कुंभाणी यांच्याऐवजी डमी उमेदवार असलेले सुरेश पडसाला यांचाही अर्ज बाद झाला होता. त्यामुळे भाजपाचे मुकेश दलाल हे बिनविरोध विजयी झाले. त्यामुळे गुजरातमध्ये आता केवळ २५ जागांसाठी मतदान होईल.

News Gujarat

राष्ट्रीय :दृष्टीहीन तरुणीने पंतप्रधानांचा हात पकडला; SPG कमांडो आला तेवढ्यात...पाहा मोदींनी काय केले

पंतप्रधान नरेंद्र मोदी यांनी आज अहमदाबादमध्ये मतदानाचा हक्क बजावला. ...

नंदूरबार :गुजरातमधील नवसारी मतदारसंघात मराठीचाच 'आवाssज', मताधिक्य पाहून व्हाल अवाक्

राष्ट्रीय :गुजरातच्या गांधीनगर येथील मतदान केंद्रात PM नरेंद्र मोदींनी बजावला मतदानाचा हक्क

राष्ट्रीय :'माझ्याकडून चूक झाली, मोदींवर रागावू नका...'; केंद्रीय मंत्र्याने भरसभेत मागितली लोकांची माफी

राष्ट्रीय :भाजपाचा अभेद्य बालेकिल्ला गांधीनगर; मताधिक्याचा नवा विक्रम अमित शाह नोंदविणार?

दरवेळी विक्रमी मताधिक्याने निवडून येण्याची अडवाणी यांची परंपरा अमित शाह यांनीही कायम ठेवली ...

राष्ट्रीय :सूरतच्या बिनविरोध सीटवर मोठा ट्विस्ट! काँग्रेस उमेदवार चार दिवस झाले तरी बेपत्ताच; निवडणूक आयोग गंभीर

राष्ट्रीय :...तर त्याला 'बिनविरोध' कसं म्हणणार? भाजपा उमेदवाराच्या विजयाबाबत दिग्दर्शकाचा सवाल

राष्ट्रीय :सुरतमध्ये मोठी राजकीय खेळी! नीलेश कुंभाणी भाजपामध्ये प्रवेश करणार?