सुशांतचा मित्र संदीप सिंग खोट्या बातम्यांना वैतागला, ठोकला 200 कोटींचा दावा

संदीपने  सोशल मीडियावर ही माहिती शेअर केली आहे.

ठळक मुद्देसंदीप सिंग हा सुशांतचा मित्र होता. सुशांतच्या मृत्यूनंतर त्याच्याघरी सर्वात आधी पोहोचणा-यांपैकी संदीप एक होता.

सुशांत सिंग राजपूतचा मित्र आणि निर्माता संदीप सिंगने  बदनामीकारक वृत्तांकन केल्याप्रकरणी रिपब्लिक टीव्ही आणि  या चॅनलचे अर्णब गोस्वामी यांना  कायदेशीर नोटीस पाठवत 200 कोटींचा मानहानीचा दावा ठोकला आहे. संदीपने  सोशल मीडियावर ही माहिती शेअर केली आहे.

‘ही परतफेडीची वेळ आहे,’ असे ही पोस्ट शेअर करताना संदीप सिंगने लिहिले आहे. संदीप सिंगच्या वकीलाच्या वतीने जारी करण्यात आलेल्या या नोटीसमध्ये लिहिले आहे, ‘संदीप सिंग एक नामवंत दिग्दर्शक व निर्माते आहेत. ज्यांच्याबद्दल गुन्हेगारीवृत्तीने चुकीच्या बातम्या दिल्या गेल्यात. सुशांत व संदीप स्ट्रगलिंग काळापासून चांगले मित्र आहेत, हे माहित असतानाही बेजबाबदार बातम्या प्रसारित केल्या गेल्यात.’
  चुकीच्या बातम्या, व्हिडीओ, फुटेज व लिखीत गोष्टी त्वरित हटवाव्यात आणि माफी मागावी. शिवाय प्रतिमा खराब केल्याबद्दल 200 कोटींची नुकसानभरपाई द्यावी, अशी मागणीही या नोटीसमध्ये करण्यता आली आहे.

 
कोण आहे संदीप सिंग
संदीप सिंग हा सुशांतचा मित्र होता. सुशांतच्या मृत्यूनंतर त्याच्याघरी सर्वात आधी पोहोचणा-यांपैकी संदीप एक होता. सुशांतच्या मृत्यूपूर्वी 10 महिन्यांपासून मी   संपर्कात नव्हतो, असे संदीपने एका मुलाखतीत सांगितले होते. परंतु 14 जून रोजी सुशांतच्या मृत्यूनंतर तो त्याच्या घराबाहेर दिसला. तो शवागारातही उपस्थित होता आणि येथे तो पोलिसांशी बोलत होता. इतक्या दिवसांपासून सुशांतशी संपर्क नसलेला आणि अचानक त्याच्या मृत्यूनंतर अ‍ॅक्टिव झाल्याने मीडियाने  प्रश्न उपस्थित केले होते. 

सुशांत प्रकरणी ED पुन्हा अ‍ॅक्शन मोडमध्ये, दिग्दर्शक दिनेश विजान यांच्या घरावर छापा

‘सुशांत प्रकरणाची गळा दाबून हत्या केली गेली...’; तपास यंत्रणांवर भडकले शेखर सुमन!!

Read in English