ही अभिनेत्री भडकली एअर इंडियावर... म्हटली, पुन्हा एकदा तुम्ही तसेच वागलात...
By ऑनलाइन लोकमत | Published: February 22, 2020 05:45 PM2020-02-22T17:45:46+5:302020-02-22T17:49:15+5:30
या अभिनेत्रीने सोशल मीडियाद्वारे आपला रोष व्यक्त केला आहे.
ही अभिनेत्री भडकली एअर इंडियावर... म्हटली, पुन्हा एकदा तुम्ही तसेच वागलात...
Next कृति खरंबदाला पुन्हा एकदा एअर इंडियाचा एक वाईट अनुभव आला आहे. एअर इंडियाच्या कर्मचाऱ्यांकडून तिचे सामान हरवले असल्याने ती प्रचंड संतापली असून तिने सोशल मीडियाद्वारे आपला रोष व्यक्त केला आहे.
कृतिने ट्विटरवर नुकतेच ट्वीट करून लिहिले आहे की, माझे सामान पुन्हा एकदा हरवल्याबद्दल तुमचे खूप आभार... तुम्ही तुमच्या स्टाफला लोकांशी चांगल्याप्रकारे कशाप्रकारे वागायचे हे शिकवण्याची गरज आहे.
Dear @airindiain , thank u for losing my luggage, yet again. And maybe u need to teach your staff a thing or two about basic manners.
— kriti kharbanda (@kriti_official) February 21, 2020
कृतिच्या या ट्वीटवर लगेचच एअर इंडियाने रिप्लाय देत तिची माफी मागितली आहे. त्यांनी ट्वीटमध्ये लिहिले आहे की, आम्ही क्षमस्व आहोत... तुम्ही आम्हाला मेसेज करून तुमच्या फाइलचा रेफरन्स नंबर आणि बॅगेजचा टॅग नंबर द्या... तसेच तुम्ही कोणत्या विमानाने प्रवास केला याविषयी माहिती द्या... आम्ही आमच्या बॅग सांभाळणाऱ्या टीमकडून लवकरात लवकर चौकशी करतो...
Kindly accept our sincere apologies ma'am. Please DM your file reference no. and baggage tag no. along with flight details for us to check with our baggage team.
— Air India (@airindiain) February 21, 2020
एअर इंडियाच्या या ट्वीटवर कृतिने उत्तर दिले की, तुमची माफी स्वीकारायला मला नक्कीच आवडली असती. पण माझे सामान परत मिळेल अशी कोणतीच चिन्हं मला दिसत नाहीयेत. तुमच्या मुंबई किंवा गोवा टीमकडे इतकी देखील विनम्रता नाहीये की ते माझे सामान मला परत करतील.
I would love to accept your apologies, but unfortunately there’s still no sign of my luggage. Also, your teams at the Mumbai or Goa airport, haven’t had the decency to even get back to me and share the whereabouts of my luggage.
— kriti kharbanda (@kriti_official) February 21, 2020
कृतिच्या या ट्वीटवर काहीच वेळात एअर इंडियाने ट्वीट केले की, तुमचे सामान मुंबई विमानतळावरून गोव्याला आज पोहोचत आहे. तुमची बॅग तुमच्यापर्यंत पोहोचवण्यासाठी आम्हाला तुमचा संपर्क नंबर द्यावा...
Ms Kharbanda the baggage is reaching GOA Airport from Mumbai by 2330 today. Kindly help us with your contact details for us to deliver your bag.
— Air India (@airindiain) February 21, 2020
कृति आणि एअर इंडियामध्ये वाद व्हायची ही पहिली वेळ नाहीये. 2014 मध्ये तिने एअर इंडियाच्या स्टाफवर आरोप लावला होता की, तिच्यासोबत ते अतिशय वाईट पद्धतीने वागले होते.