Kangana's tweet sparked controversy, with the Sikh Gurdwara Committee demanding an unconditional apology | कंगनाच्या ट्विटने पेटला वाद, बिनशर्त माफी मागण्याची शीख गुरुद्वारा कमेटीने केली मागणी

कंगनाच्या ट्विटने पेटला वाद, बिनशर्त माफी मागण्याची शीख गुरुद्वारा कमेटीने केली मागणी

वादग्रस्त विधानांमुळे चर्चेत राहणाऱ्या बॉलिवूडची क्वीन कंगना राणौतने दिल्लीत सुरु असलेल्या शेतकरी आंदोलनावर प्रतिक्रिया दिली आणि अडचणीत सापडली. या आंदोलनात सहभागी झालेल्या पंजाबच्या एका वयोवृद्ध महिलेची खिल्ली उडवणारे ट्वीट तिने केले आणि काही वेळात तिने हे ट्वीट डिलीट केले. मात्र तोपर्यंत या ट्वीटचे स्क्रिनशॉट्स व्हायरल झाले होते. यावरून कंगना जबरदस्त ट्रोल झाली. कंगनावर आता पंजाबी चित्रपटसृष्टीतील कलाकारांनी टीकेची झोड उठवली आहे. दरम्यान आता कंगनाच्या विरोधात दिल्ली शीख गुरूद्वाराच्या एका सदस्याने कायदेशीर नोटीस बजावली आहे.

दिल्ली शीख गुरूद्वारा मॅनेजमेंट कमिटीद्वारे बजावलेल्या कायदेशीर नोटीशीनुसार -
१) दिल्ली शीख गुरूद्वारा मॅनेजमेंट कमेटी एक द शीख गुरूद्वारा अॅक्ट, १९७१ नुसार एक वैधानिक संस्था आहे जिचे मुख्य उद्देश्य शीख गुरूद्वाराची देखरेख आणि दैनंदिन उपक्रम राबविणे आहे. ही संस्था दिल्लीत राहणाऱ्या शीख समुदायाचे प्रतिनिधीत्व करते.
२) दिल्ली शीख गुरूद्वारा कमेटीचे नव्या कृषी कायद्याविरोधात आंदोलन करणाऱ्या शेतकऱ्यांना समर्थन आहे.
३) आम्ही तुमच्या (कंगना राणौत) ट्विटर अकाउंटवरून केल्या जाणाऱ्या ट्विट्सवर लक्ष ठेवून आहे आणि २९ नोव्हेंबर, २०२० रोजी तुम्ही शेतकरी आंदोलनात सहभागी झालेल्या एका पंजाबच्या वयोवृद्ध महिलेच्या विरोधात ट्विट केले. कंगनाने लिहिले होते की, 'हा हा हा ही तिच आजी आहे जिला टाइम्स मॅगझीनने भारतातील सर्वात पॉवरफुल लोकांमध्ये सहभागी केलं होतं. ती १०० रूपयात अव्हेलेबल आहे. पाकिस्तानातील पत्रकारांनी इंटरनॅशनल पीआरला भारतासाठी हायर केलं आहे. आपल्याला आपले असे लोक हवेत जे आपल्यासाठी इंटरनॅशनली आवाज उठवू शकतील. तुमच्या या ट्विटसोबत दोन वयस्कर महिलांचा फोटो वापरला आहे. जे लाखो लोकांद्वारे फक्त देशच नाही तर जगभरातील लोकांनी पाहिला आहे.


४) तुम्ही केलेल्या ट्विटमध्ये अपमानास्पद भाषेचा प्रयोग करण्यात आला आहे. ट्विटमध्ये फक्त एक वयस्कर महिलेला दररोज शंभर रुपयात अव्हेलेबल असल्याचे सांगून अपमानित केलेले नाही तर संपूर्ण आंदोलन करणाऱ्या शेतकऱ्यांची खिल्ली उडवली आहे. त्यांना दिशाभूल केलेल्या तुकडी गँग संबोधीत केले जे खूप चुकीचे आहे.
५) शांततेच्या मार्गाने निषेध करणे हा भारतीय राज्यघटनेचा एक भाग आहे आणि यात काहीही चुकीचे नाही याची आपल्याला माहिती देणे आवश्यक आहे. अशाप्रकारे कोणाकडेही आपले बोट दाखविण्याचा आपल्याला अधिकार नाही. आपल्याला हे सांगणे देखील आवश्यक आहे की देशाची राज्यघटना काही लोकांच्या सोयीनुसार आणि स्थानानुसार नाही, परंतु देशातील प्रत्येक नागरिकाचा हक्क आहे.
६) आपले लक्ष याकडे देखील लक्ष वेधले गेले पाहिजे की बरेच माध्यमांच्या वृत्तानुसार याची पुष्टी होत आहे की चित्रात दिसलेल्या दोन वृद्ध महिला एक नसून वेगळ्या आहेत. आपण केलेले हे ट्विट प्रसिद्धीच्या दृष्टीने करण्यात आलेले आहे. आपल्याला त्या वयोवृद्ध महिलेच्या विरोधात बोलण्याचा आणि जगभरातील भारताच्या शेतकर्‍यांच्या प्रतिमेला हानी पोहचण्याचा अधिकार नाही.
७) आपल्या ट्वीटच्या माध्यमातून तुम्ही शेतकर्‍यांच्या मेहनतीवर पाणी टाकण्याचे काम करत आहात. या देशात प्रत्येकाला शांततेत बोलण्याचा अधिकार आहे. आम्ही एकत्र उभे आहोत आणि सर्व शेतकर्‍यांच्या या लढ्यात उभे राहणार. तसेच, तुमच्याकडून करण्यात आलेला हा अपमान गांभीर्याने घेतला जाईल.


८) तुम्हाला सूचित करतो की सोशल मीडियावर चुकीचे फॅन फॉलोव्हिंग वापरुन आपण शांततेत शेतकरी चळवळीला राजकीय रंग देण्याचा प्रयत्न करून समाजातील ऐक्य भंग करण्याचा प्रयत्न केला आहे. सोशल मीडियावर शेतकऱ्यांकडून सुरू असलेल्या आंदोलनाची चुकीची प्रतिमा पसरवण्यापूर्वी आपण केलेली ही द्वेषपूर्ण ट्वीटचे स्पष्टीकरण द्यावे लागेल.
९) आपण एका आठवड्यात सोशल मीडिया प्लॅटफॉर्मवर शेअर केलेले सर्व हेट्स ट्वीट हटवावे लागतील. तसेच, या क्रियेबद्दल आपल्याला बिनाशर्त माफी मागावी लागेल. असे न केल्यास आम्ही कायद्यानुसार आपल्याविरोधात कठोर कारवाई करू.
या कायदेशीर नोटीशीला आता कंगना राणौत काय उत्तर देते, हे पहावे लागेल. 

वाचकहो, 'लोकमत CNX Filmy'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatCNXFilmy ) आणि मिळवा महत्त्वाचे अपडेट्स अन् ताज्या बातम्या!

Web Title: Kangana's tweet sparked controversy, with the Sikh Gurdwara Committee demanding an unconditional apology

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.