illegal construction Issue, Sonu Soodla hit by High Court | बेकायदेशीर बांधकाम प्रकरण, उच्च न्यायालयाचा सोनू सूदला दणका

बेकायदेशीर बांधकाम प्रकरण, उच्च न्यायालयाचा सोनू सूदला दणका

मुंबई :  जुहूमधील इमारतीत बेकायदेशीर बांधकामप्रकरणी  बॉलिवूड अभिनेता सोनू सूदला दिलासा देण्यास उच्च न्यायालयाने गुरुवारी नकार दिला. सूदने केलेले अपील आणि अंतरिम अर्ज न्यायालयाने फेटाळला. 

मेहनती लोकांनाच कायदा मदत करतो, असे म्हणत न्या. पृथ्वीराज चव्हाण यांच्या एकसदस्यीय खंडपीठाने  सोनू सूदचे अपील फेटाळले. त्यावर सूदच्या वकिलांनी मुंबई पालिकेने बजावलेल्या नोटीसचे पालन करण्यासाठी १० आठवड्यांची मुदत मागितली. तसेच तोपर्यंत पालिकेला कारवाई न करण्याचे निर्देश द्यावेत, अशीही विनंती न्यायालयाला केली. न्यायालयाने त्यास नकार दिला. गरज असल्यास पालिकेकडे जा. आता पालिकाच यावर निर्णय घेईल. अनेकवेळा संधी मिळूनही तुम्ही उशीर केलात, असे न्यायालयाने म्हटले. जुहूच्या इमारतीत बेकायदेशीर बांधकामप्रकरणी मुंबई पालिकेने बजावलेल्या नोटिसीला सोनू सूदने उच्च न्यायालयात आव्हान दिले  होते.

 

वाचकहो, 'लोकमत CNX Filmy'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatCNXFilmy ) आणि मिळवा महत्त्वाचे अपडेट्स अन् ताज्या बातम्या!

Web Title: illegal construction Issue, Sonu Soodla hit by High Court

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.