Numerology: ‘या’ ३ तारखांना जन्मलेले लोक असतात भाग्यवान; धनदेवता कुबेराची कृपा, मिळते अपार यश

Numerology: धनदेवता कुबेराच्या शुभाशिर्वादामुळे या व्यक्तींना जीवनातील सर्व सुख प्राप्त होते, असे सांगितले जाते.

Numerology: आपल्या भारतीय संस्कृती आणि परंपरा यांमध्ये ज्योतिषशास्त्र आणि ज्योतिषविद्येला अतिशय महत्त्व आहे. नक्षत्र, ग्रह-तारे यांचे चलन, परिभ्रमण, राशीसंक्रमण यांच्या अभ्यासातून मानवी जीवनावरील प्रभावाचा अंदाज बांधता येतो. ज्योतिषशास्त्राच्या अनेक शाखा आहेत. या शाखांच्या माध्यमातून एखाद्या व्यक्तीविषयी, त्याचे कुटुंब-नातेवाइक, मित्रमंडळी, स्वभाव भूत-भविष्यातील घटनांचा अंदाज बांधता येऊ शकतो. केवळ जन्मकुंडली नाही, तर हस्तरेषा, स्वप्नशास्त्र, अंकशास्त्र, समुद्रशास्त्र यातूनही भविष्यकथन करता येते. यापैकी एक शास्त्र म्हणजे अंकशास्त्र. अंकशास्त्र हे एक प्रभावी शास्त्र असून, जन्मतारखेवर आधारित मूलांकावरून व्यक्तीचा स्वभाव, वैशिष्ट्य, भविष्यकथन केले जाते. जसा प्रत्येक राशीचा स्वामी असतो, तसेच प्रत्येक मूलांकाला विशिष्ट ग्रहांचे स्वामित्व बहाल केलेले आहे. 

एखाद्या व्यक्तीच्या जन्मतारखेवरून त्या व्यक्तीचा मूलांक काढला जातो. ज्या व्यक्तींचा जन्म ५, १४ आणि २३ या तारखेला झाला आहे. त्यांचा मूलांक ५ आहे. या मूलांकाचा स्वामी बुध ग्रह आहे. बुध ग्रह हा नवग्रहांचा राजकुमार मानला गेलेला आहे. बुध ग्रह उत्तम बुद्धी, तर्कक्षमता कारक असल्याचे सांगितले जाते. मूलांक ५ असलेल्या व्यक्तींवर धनदेवता कुबेरांची विशेष कृपा असते. या मूलांकाच्या व्यक्तींना कुबेर देवाचे शुभाशिर्वाद प्राप्त होऊ शकतात. धनदेवता कुबेरमुळे पैशांची चणचण भासत नाही, आर्थिक स्थिती मजबूत राहू शकते. धनलाभ होऊ शकतात, असे सांगितले जाते. 

प्रत्येक गोष्ट स्वतंत्रपणे करायला आवडते

या मूलांकच्या लोकांना नोकरीपेक्षा व्‍यवसायात अधिक रस असतो. त्यांना प्रत्येक गोष्ट स्वतंत्रपणे करायला आवडते. त्यांच्या कामात कोणाची ढवळाढवळ त्यांना आवडत नाही. कारण त्यांना प्रत्येक गोष्ट त्यांच्या पद्धतीने करायला आवडते. त्यांचा स्वभाव अतिशय मनमिळाऊ असतो. ते कोणालाही आपल्या बाजूला त्वरित आकर्षित करतात. त्यांना समाजात खूप मान-सन्मान मिळतो.

प्रतिभावान, धाडसी, निर्भयी आणि मेहनती

मूलांक ५ असलेल्या व्यक्तींचा स्वभाव मनमिळाऊ असतो. या मूलांकाचे लोक प्रतिभावान असतात. ते धाडसी, निर्भयी आणि मेहनती असतात. आयुष्यात येणाऱ्या प्रत्येक आव्हानाला ते सामोरे जाण्यास तयार असतात आणि त्यात ते विजयही मिळवतात. ते कधीही हार मानत नाहीत आणि सर्व प्रकारच्या समस्यांना तोंड देण्यासाठी नेहमी तयार असतात, असे मानले जाते. 

व्यापार, उद्योगात यश आणि प्रगती 

मूलांक ५ असलेल्या लोकांना व्यापार, उद्योगात चांगले यश मिळते. प्रगती साध्य करू शकतात. बँकिंग, शिक्षण, प्रशिक्षण या क्षेत्रात करिअर करू शकतात. या व्यक्तींना अर्थशास्त्र आणि संगीताचेही चांगले ज्ञान असते, असे सांगितले जाते. हे लोक मनी माइंडेड आणि बिझनेस माइंडेड असतात.

भाग्य, नशिबाची उत्तम साथ लाभते

मूलांक ५ असलेल्या व्यक्ती भाग्याच्या धनी मानल्या जातात. अगदी लहान वयात ते मोठ्या हुद्यावर पोहोचतात. काम करून घेण्यात या व्यक्ती पटाईत असतात. त्यांना जीवनातील सर्व सुख प्राप्त होते. त्यांना पैशाची कधीच कमतरता नसते. ते पहिल्यापासूनच त्यांच्या भविष्याबद्दल विचार करत असतात. यासोबतच नेहमी पुढे जाण्याचा मार्ग शोधत असतात. सदर माहिती सामान्य गृहीतके आणि ज्योतिषीय मान्यतांवर आधारित असून, तज्ज्ञ व्यक्तींचा सल्ला घेणे उपयुक्त ठरू शकेल.