New twist in serial aai Kuthe Kay Karte | ‘आई कुठे काय करते’ मालिकेत नवा ट्विस्ट, कुटुंबासमोर येणार अनिरुद्ध-संजनाच्या नात्याचं सत्य

‘आई कुठे काय करते’ मालिकेत नवा ट्विस्ट, कुटुंबासमोर येणार अनिरुद्ध-संजनाच्या नात्याचं सत्य

स्टार प्रवाहवरील ‘आई कुठे काय करते’ मालिका अतिशय उत्कंठावर्धक वळणावर येऊन पोहोचली आहे. काही दिवसांपूर्वीच अनिरुद्ध आणि संजनाच्या नात्याविषयी अरुंधतीला समजलं. तिला धक्का बसला खरा पण या धक्यातून सावरत ती नव्या जिद्दीने उभी राहिली. मुलगा यशच्या मदतीने तिने आपली अधुरी राहिलेली गाण्याची आवड जोपासायचं ठरवलं. घरच्या जबाबदाऱ्या न टाळता मात्र त्यातून थोडं अलिप्त होऊन स्वत:ला वेळ द्यायचं ठरवलं. अरुंधतीचं हे वागणं अनिरुद्धला खटकत होतंच. पण आई आणि अप्पांना सत्य कळू नये म्हणून अरुंधतीमध्ये झालेला हा बदल त्याला नाईलाजाने स्वीकारावा लागला. पण सत्य फार काळ लपून रहात नाही. अनिरुद्ध आणि संजनाच्या नात्याचं सत्य आता संपूर्ण कुटुंबासमोर येणार आहे. हा धक्का देशमुख कुटुंब पचवू शकेल का? अनिरुद्धला ते माफ करतील का हे पहाणं आता उत्सुकतेचं असणार आहे.

मंगळवार ३ नोव्हेंबरच्या विशेष भागात हे संपूर्ण नाट्य उलगडणार आहे. उत्कंठा ताणून धरणारा हा विशेष भाग असेल. कुटुंबासाठी नेहमीच उभी ठाकणारी अरुंधती आता आपल्या कुटुंबासाठी कोणतं पाऊल उचलणार हे पहाणं उत्सुकतेचं असेल

वाचकहो, 'लोकमत CNX Filmy'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatCNXFilmy ) आणि मिळवा महत्त्वाचे अपडेट्स अन् ताज्या बातम्या!

Web Title: New twist in serial aai Kuthe Kay Karte

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.