सोशल मीडियावर सध्या एका महिला रिक्षाचालकाचा व्हिडीओ नेटकऱ्यांची मनं जिंकत आहे. या व्हिडिओमध्ये दिसतं की, एक आई रस्त्याच्या कडेला आपली रिक्षा थांबवून आपल्या लहान मुलीला प्रेमाने घास भरवत आहे. विशेष म्हणजे ही मुलगी रिक्षाचालकाच्या सीटच्या बाजूलाच एका छोट्या आणि सुरक्षित सीटवर बसली होती. कामाचा व्याप आणि जबाबदारी सांभाळून ही आई आपल्या बाळाची काळजी कशी घेत आहे, याचं हे उत्तम उदाहरण आहे.
एका वाटसरूने हे सुंदर दृश्य पाहिलं, त्याचा व्हिडीओ बनवला आणि सोशल मीडियावर शेअर केला. हा व्हिडीओ आता प्रचंड व्हायरल होत असून लोक या आईच्या कष्टाचं भरभरून कौतुक करत आहेत. अनेक युजर्सनी म्हटलं आहे की, हे दृश्य आपल्याला आठवण करून देतं की पालक, विशेषतः आई आपल्या मुलांसाठी दररोज किती संघर्ष आणि त्याग करते.
हा व्हिडिओ शेअर करताना कॅप्शनमध्ये लिहिलं आहे की, "कामाच्या धावपळीतही एक रिक्षाचालक आई आपल्या मुलीला जेवण भरवण्यासाठी रिक्षा थांबवते. ज्या पद्धतीने तिने आपल्या मुलीला सुरक्षित बसवलं आहे, ते खरंच खूप कौतुकास्पद आहे. आईचं प्रेम कोणत्याही संकटावर मात करू शकतं."
During a busy day, an auto driver (a mother) stops her auto to feed her little daughter.
— Tathvam-asi (@tathvamasi6) March 5, 2026
Love the way she secured her little one😍
Mother’s love can overcome all hurdles. pic.twitter.com/oBrgUXwsLo
एका युजरने म्हटलं की, "कमाल आहे ही आई! काही लोक म्हणतात की मुलांना फक्त घरचं जेवण दिलं पाहिजे आणि आईने नेहमी घरीच राहिले पाहिजे, तरच ती 'चांगली आई' ठरते. पण ही महिला तिच्याकडे असलेल्या मर्यादित साधनांमध्येही आपल्या मुलीसाठी सर्वोत्तम प्रयत्न करत आहे आणि तिला जगाला सामोरे जाण्यास शिकवत आहे."
दुसऱ्या एका युजरने भावुक होत लिहिलं, "काहींचं आयुष्य सोपं नसतं. कोणी बीएमडब्ल्यू, आयफोन किंवा परदेशात जायला मिळत नाही म्हणून रडत बसतं, पण आपण अशा कुटुंबांकडून जिद्द शिकली पाहिजे." "भारतीय मातांच्या प्रेमाला कोणीही रोखू शकत नाही. आई देवापेक्षा मोठी असते, ती एकाच वेळी कितीतरी भूमिका लिलया पार पाडते" असंही काही लोकांनी म्हटलं आहे.