उन्हाळा म्हटलं की त्वचेची खूप जास्त काळजी घ्यावी लागते. ज्यांना कामानिमित्त उन्हाळ्यात रोजच घराबाहेर पडावं लागतं, त्यांची त्वचा या दिवसांत खूप टॅन होते. शिवाय ज्यांची त्वचा ऑईली असते त्यांना तर ऊन, घाम यामुळे जरा जास्तच त्रास होतो. त्वचा खूपच तेलकट दिसू लागते. त्वचा तेलकट झाली की आपोआपच मग पिंपल्सचा त्रासही वाढतो. शिवाय तेलकट, चिपचिपित त्वचा अजिबातच फ्रेश दिसत नाही (Summer Special Face Pack for Oily Skin). त्वचेच्या या सगळ्या समस्या कमी करायच्या असतील आणि घामामुळे त्वचा आणखीनच तेलकट होऊ नये असं वाटत असेल तर पुढे सांगितलेले २ घरगुती फेसपॅक ट्राय करून पाहा. त्वचा फ्रेश दिसू लागेल.(how to take care of oily skin in summer season?)
उन्हाळ्यात ऑईल स्किनसाठी घरगुती फेसपॅक
१. ऑईली त्वचेसाठी सगळ्यात उत्कृष्ट फेसपॅक म्हणजे मुलतानी मातीचा. यासाठी १ चमचा मुलतानी माती एका वाटीमध्ये घ्या. त्यामध्ये गरजेनुसार गुलाबपाणी घालून त्याची पेस्ट तयार करा.
यात तुम्ही कोरफडीचा ताजा गरही घालू शकता. हे तिन्ही पदार्थ व्यवस्थित एकत्र करून त्याचा लेप चेहऱ्याला लावा. १० ते १५ मिनिटांनी चेहरा धुवून टाका. त्वचेचा तेलकटपणा बऱ्याच प्रमाणात कमी होईल. आठवड्यातून दोन वेळा हा उपाय करू शकता.
२. कडुलिंबाची काही कोवळी पानं घ्या. ती स्वच्छ धुवा आणि मिक्सरमध्ये घालून त्याची पेस्ट करून घ्या. ही पेस्ट गाळून घ्या. आता कडुलिंबाच्या रसामध्ये चिमूटभर हळद आणि थोडं बेसन घाला.
ज्वारीच्या भाकरीला द्या ‘मसाला रोटी’चं रुप, पोळीसारखी मऊमऊ-मुलंही फस्त करतील ४ रोट्या आवडीने
हा लेप चेहऱ्याला लावा आणि ८ ते १० मिनिटांनी हलक्या हाताने मालिश करून लेप काढून टाका. यानंतर चेहरा धुवून माॅईश्चराईज करा. चेहरा छान चमकदार दिसेल. हा उपाय आठवड्यातून एकदा करू शकता.