Crime: धक्कादायक! आयटी कंपनीच्या महिला मॅनेजरवर धावत्या कारमध्ये सामूहिक बलात्कार

By ऑनलाइन लोकमत | Updated: December 25, 2025 15:24 IST2025-12-25T15:20:33+5:302025-12-25T15:24:44+5:30

Rajasthan IT company Gangrape: एका नामांकित आयटी कंपनीच्या महिला मॅनेजरवर कंपनीच्या सीईओ आणि एका वरिष्ठ पदाधिकाऱ्याच्या पतीने सामूहिक बलात्कार केला.

Rajasthan Crime: female manager of IT company was gang-raped in a moving car in Udaipur | Crime: धक्कादायक! आयटी कंपनीच्या महिला मॅनेजरवर धावत्या कारमध्ये सामूहिक बलात्कार

AI Image

राजस्थानच्या उदयपूरमध्ये माणुसकीला काळीमा फासणारी एक धक्कादायक घटना उघडकीस आली. एका नामांकित आयटी कंपनीच्या महिला मॅनेजरवर कंपनीच्या सीईओने आणि एका वरिष्ठ पदाधिकाऱ्याच्या पतीने चालत्या कारमध्ये सामूहिक बलात्कार केल्याचा खळबळजनक प्रकार समोर आला. विशेष म्हणजे, ज्यावेळी हे कृत्य घडत होते, त्यावेळी कारमध्ये कंपनीची महिला एक्झिक्युटीव्ह हेड देखील उपस्थित असल्याची माहिती समोर येत आहे.

मिळालेल्या माहितीनुसार, शनिवारी रात्री उदयपूरमधील शोभागपुरा येथील एका हॉटेलमध्ये कंपनीच्या सीईओच्या वाढदिवसानिमित्त आणि नवीन वर्षाच्या स्वागतासाठी पार्टीचे आयोजन करण्यात आले होते. या पार्टीला पीडित महिला मॅनेजर रात्री ९ वाजता पोहोचली. पहाटे १.३० वाजेपर्यंत चाललेल्या या पार्टीत सर्वांनी दारू प्यायली. पार्टी संपल्यानंतर पीडितेला घरी सोडण्याचे आमिष दाखवून आरोपींनी तिला कारमध्ये बसवले.

कोल्डड्रिंकमधून गुंगीचे औषध?

पीडितेने पोलिसांना दिलेल्या तक्रारीनुसार, कारमधून जात असताना आरोपींनी वाटेत एका दुकानातून सिगारेट आणि कोल्डड्रिंक खरेदी केले. तिला कोल्डड्रिंक पिण्यास भाग पाडले, ज्यामध्ये गुंगीचे औषध मिसळले असावे असा संशय आहे. ते कोल्डड्रिंक पिताच पीडित तरुणी बेशुद्ध पडली. त्यानंतर तिच्यावर सामूहिक अत्याचार करण्यात आले.

सकाळी शुद्धीवर येताच प्रकार उघड

घटनेच्या दुसऱ्या दिवशी सकाळी जेव्हा पीडितेला शुद्ध आली, तेव्हा तिला आपल्यावर अत्याचार झाल्याचे लक्षात आले. तिने विलंब न करता थेट पोलीस ठाणे गाठून आपबिती सांगितली. पोलिसांनी या घटनेचे गांभीर्य ओळखून तातडीने सामूहिक बलात्काराचा गुन्हा दाखल केला असून पीडितेची वैद्यकीय तपासणी पूर्ण केली आहे.

पोलीस कारवाई आणि पुढील तपास

उदयपूर पोलिसांनी या प्रकरणी कारवाई करत कंपनीचा सीईओ आणि एक्झिक्युटीव्ह हेडचा पती यांना ताब्यात घेतले. घटनेच्या वेळी कारमध्ये उपस्थित असलेल्या महिला एक्झिक्युटीव्ह हेडचीही पोलीस कसून चौकशी करत आहेत. हॉटेलमधील आणि प्रवासातील मार्गावरील सीसीटीव्ही फुटेज पोलिसांनी ताब्यात घेतले असून, त्या रात्री कारमध्ये नेमके काय घडले? याचा तपास केला जात आहे.

Web Title : राजस्थान: आईटी मैनेजर से कार में गैंगरेप; सीईओ, अन्य गिरफ्तार

Web Summary : उदयपुर में एक आईटी कंपनी की मैनेजर के साथ कथित तौर पर सीईओ और एक अन्य अधिकारी के पति ने पार्टी के बाद कार में सामूहिक बलात्कार किया। महिला को कथित तौर पर नशीला पदार्थ दिया गया था। पुलिस ने सीईओ और अधिकारी के पति को गिरफ्तार किया; जांच जारी है।

Web Title : Rajasthan: IT Manager Gang-Raped in Car; CEO, Others Arrested

Web Summary : In Udaipur, an IT company manager was allegedly gang-raped in a car by the CEO and another executive's husband after a party. The woman was allegedly drugged. Police arrested the CEO and executive's husband; investigation ongoing.

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.