'तू माझा सांगाती'मधील भानूबाई खऱ्या आयुष्यात आहे खूप ग्लॅमरस, पहा तिचे फोटो

'तू माझा सांगाती'मधील भानूबाईची भूमिका साकारणाऱ्या अभिनेत्रीचे ग्लॅमरस फोटो पाहून म्हणाल- वाह...क्या बात है!

मालिका व नाटक या माध्यमात अभिनेत्री वैशाली राहुल भोसले हिने आपल्या अभिनयाचा ठसा उमटविला आहे.

बालपणापासूनच वैशालीला अभिनयाची आवड होती. आई वडिलांसोबत थिएटरमध्ये पहिला सिनेमा मैंने प्यार किया पाहिला आणि तेव्हापासून तिला अभिनेत्री भाग्यश्रीसारखे बनण्याचा ध्यास लागला.  

त्या काळात जे जे सिनेमे पाहिले त्या त्या सिनेमा मधली हीरोईन व्हायचं स्वप्न पाहतच ती मोठी झाल्याचे वैशाली सांगते. 

अभिनय क्षेत्रात काम करण्यासाठी सुरूवातीला वैशालीला घरातून विरोध होता. पण नंतर तिने अभिनय क्षेत्रात करियर करायचे मनाशी पक्के केले. 

अभिनय क्षेत्रातील तिच्या कारकीर्दीची खरी सुरूवात तिच्या शालेय जीवनातून झाली. तिने शाळेत लग्नाची बैठक या नाटकात काम केले. त्यानंतर दिशा या पथनाट्य ग्रुपमधून 2 वर्ष तिने काम केले.

वैशालीची मराठी सिनेइंडस्ट्रीतील करियरची सुरूवात छोट्या पडद्यापासून झाली. ई टीव्हीवरील ब्रह्मांडनायक या गजानन महाराजांवर आधारित मालिकेत काम केले. त्यानंतर जवळपास सगळ्याच चॅनेलवर छोट्या मोठ्या भूमिका तिने केल्या.

तिने दूरदर्शनवरील 1-2 मालिकांमध्ये काम केली. तसेच स्टार प्रवाहवरील लक्ष्य मालिकेचे अनेक एपिसोड केले. स्टार प्रवाह वरील बंध रेशमाचे मालिकेत कैरेक्टर रोल केले. 

झी मराठी वाहिनीवरील आभास हा, अस्मिता या मालिकांमध्येही वैशालीने काम केले आहे. तसेच झी मराठीवरील महाराष्ट्राचा सुपरस्टार या रिएलिटी शोमध्येदेखील ती सहभागी झाली होती.

कलर्स मराठी वरील तू माझा सांगाती मालिकेत तिने भानुबाई आणि द्वारकाची भूमिका केली.

तिने या मालिकेत साकारलेले दोन्ही पात्र निगेटिव्ह होते. पण, या मालिकेतील भानूबाईची भूमिका प्रेक्षकांच्या पसंतीस उतरली. या मालिकेतील भानुबाई या भूमिकेने तिला घराघरात ओळख दिल्याचे वैशाली सांगते.

मिलिंद शिंदे लिखित दिग्दर्शित नाच तुझंच लगिन हाय या सिनेमात काम केले.

तसेच आगामी रमेश मोरे लिखित आणि दिग्दर्शित टॉपर या सिनेमातही ती झळकणार आहे.

याशिवाय वैशालीने हृषिकेश कोळी लिखित-दिग्दर्शित वर खाली दोन पाय या प्रायोगिक नाटकाची निर्मिती करत निर्मिती क्षेत्रात पदार्पण केले. 

कथ्थकमध्ये डिप्लोमा करत असलेली वैशाली लवकरच क्लासिकल नृत्यावर आधारित एका नाटकात काम करताना दिसणार आहे.

श्रमेश बेटकर लिखित आणि दिग्दर्शित एका नाटकातही ती काम करताना दिसणार आहे. लॉकडाउनआधी या नाटकाची तालीम सुरु होती. पण नाट्यगृह सुरू झाल्यावर हे नाटक प्रेक्षकांच्या भेटीस येईल.

लॉकडाउनमध्ये बोल मराठी या युटयूब चॅनेलवर रमेश मोरे लिखित-दिग्दर्शित माझी रोजनिशी या सदरात थँक्यू बाबा या भागातही तिने काम केले. याशिवाय निर्मिती क्षेत्रात एक नवा उपक्रमही ती घेऊन येणार आहे.