११ वर्षांनंतर अखेर मिटले भांडण, कपिल शर्माची कलर्स टीव्हीवर होणार दमदार वापसी

By ऑनलाइन लोकमत | Updated: November 30, 2025 10:24 IST2025-11-30T10:23:05+5:302025-11-30T10:24:09+5:30

कपिलच्या चाहत्यांसाठी एक अत्यंत आनंदाची बातमी आहे.

Kapil Sharma Ends 11-year Rift Returns To Colors With Laughter Chefs | ११ वर्षांनंतर अखेर मिटले भांडण, कपिल शर्माची कलर्स टीव्हीवर होणार दमदार वापसी

११ वर्षांनंतर अखेर मिटले भांडण, कपिल शर्माची कलर्स टीव्हीवर होणार दमदार वापसी

कपिल शर्मा गेल्या काही वर्षांपासून आघाडीचा कॉमेडियन आहे. आधी त्याचा टीव्हीवरील 'कॉमेडी नाईट्स विथ कपिल शर्मा' शो तुफान गाजला. अनेक वर्ष हा शो चालला. कित्येक सेलिब्रिटी, वेगवेगळ्या क्षेत्रातले दिग्गज या शोवर येऊन गेले. तर नेटफ्लिक्सवरील 'द ग्रेट इंडियन कपिल शो'देखील लोकप्रिय झाला आहे. या शोचे आतापर्यंत तीन सीझन आले आहेत. कपिलच्या चाहत्यांसाठी एक अत्यंत आनंदाची बातमी आहे. तब्बल ११ वर्षांनंतर अभिनेता कलर्स टीव्हीवर वापसी करत आहेत.  बऱ्याच वादविवादानंतर कपिल शर्मा कलर्स चॅनेलपासून वेगळा झाला होता. आता त्याच चॅनेलवर तो परतणार आहे.

सध्या कपिल शर्मा सध्या त्याच्या आगामी चित्रपट 'किस किसको प्यार करूं २' च्या प्रमोशनमध्ये व्यस्त आहे. याच चित्रपटाचं प्रमोशन करण्यासाठी तो कलर्स टिव्हीवरील 'लाफ्टर शेफ ३'मध्ये जाणार आहे. या शोद्वारे  कपिल शर्मा, कृष्णा अभिषेक आणि भारती सिंग हे त्रिकूट अनेक वर्षांनी पडद्यावर एकत्र येत आहे. त्यांची जबरदस्त केमिस्ट्री पुन्हा एकदा प्रेक्षकांना पाहायला मिळणार आहे.

कपिल शर्माचे कलर्स टीव्हीवर पुनरागमन खास आहे. कारण त्याचे चॅनेलशी दीर्घकाळापासूनचे मतभेद होते. या मतभेदामुळेच त्यांचा 'कॉमेडी नाईट्स विथ कपिल' हा शो अचानक बंद करण्यात आला होता. त्यानंतर, कपिल जवळपास ११ वर्षे या चॅनेलपासून दूर राहिला.


'किस किसको प्यार करूं २' लवकरच
कपिल शर्माचा चित्रपट 'किस किस को प्यार करूं २' लवकरच १२ डिसेंबर रोजी चित्रपटगृहात प्रदर्शित होत आहे. या चित्रपटात त्रिधा चौधरी, आयशा खान, हिरा वारिना आणि पारुल गुलाटी मुख्य भूमिकेत आहेत. दिवंगत अभिनेता असरानी देखील या चित्रपटात दिसणार आहेत. प्रेक्षकांकडून कपिलच्या या चित्रपटाला किती प्रेम मिळते, हे पाहणे उत्सुकतेचे ठरणार आहे.

Web Title : कपिल शर्मा 11 साल बाद कलर्स टीवी पर वापसी करेंगे

Web Summary : 11 साल बाद कपिल शर्मा कलर्स टीवी पर 'लाफ्टर शेफ 3' में वापसी कर रहे हैं। कृष्णा अभिषेक और भारती सिंह के साथ वह 'किस किसको प्यार करूं 2' का प्रचार करेंगे। चैनल के साथ विवाद के बाद उनका शो 'कॉमेडी नाइट्स विथ कपिल' अचानक बंद हो गया था।

Web Title : Kapil Sharma Returns to Colors TV After 11 Years

Web Summary : After 11 years, Kapil Sharma is returning to Colors TV on 'Laughter Chef 3' after a long dispute. He will promote his film, 'Kis Kisko Pyaar Karoon 2', with Krishna Abhishek and Bharti Singh. His show 'Comedy Nights With Kapil' was abruptly ended due to disagreements with the channel.

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.