हिमेश, शान, पापॉन आणि पलक लहान मुलांना कोणत्या गोष्टीने करणार आकर्षित?

/>देशभरातून आलेल्या महत्त्वाकांक्षी गायकांनी ब्लाईंड ऑडिशन राऊंडमध्ये अप्रतिम परफॉर्मन्स देत द व्हॉईस इंडिया किड्स या सिंगिंग रिआलिटी शोने चांगलीच हवा निर्माण केली आहे.पण या शोचा केवळ हाच एक युएसपी नाही. हा शो अधिक मनोरंजनात्मक बनविण्यासाठी यातील मार्गदर्शकांनी त्यांच्या टीममध्ये त्यांच्या आवडत्या स्पर्धकांनी यावे यासाठी अगदी गुढघ्यावर बसून त्यांना मनवण्याचा प्रयत्न केल्याचे पाहता येणार आहे.प्रसिद्ध आणि हॅंडसम मार्गदर्शक हिमेश रेशमिया ऊर्फ एचआर त्याच्या स्पर्धकांना त्याची गोल्डन कॅप देत आहे, राजकुमारी पलक मुछाल मुलींना टियारा (प्रिन्सेस क्राऊन) आणि मुलांना कस्टमाईज्ड बॅजेस देत आहे, आपला उत्साही पापॉन तर पॅपोनिस्ट असे कोरलेल्या गिटार्स देत आहे तर हसतमुख शान त्याचे ह्रदय (हार्ट) देताना दिसणार आहे. इतकेच नाही तर त्यांच्या आवडत्या स्पर्धकांना खाण्याचेदेखील आमिष दाखवताना मार्गदर्शक दिसणार आहेत. हे प्रयत्न केवळ त्यांच्या टीममध्ये चांगल्यात चांगला आवाज यायला हवा म्हणून करण्यात येत आहेत. याव्यतिरिक्त स्पर्धकांनी त्यांचा आवडता मार्गदर्शक निवडल्यानंतर,मार्गदर्शक त्यांना गिफ्ट्स देणार असून त्यांच्या गाण्यावरील अर्थात धिना धिन धा वर हिमेश,मोह मोह के धागेवर पापॉन, प्रेम रतन धन पायोवर पलक तर 'मैं हू डॉन'वर शान सिग्नेचर स्टेप करणार आहेत.

देशाच्या कानाकोपऱ्यातील गायन प्रतिभा दाखविण्याची आणि प्रोत्साहित करण्याची 'दी व्हॉईस इंडिया किड्स सिझन २' ची योजना आहे. तुम्ही सेलिब्रिटी असा किंवा सामान्य माणूस, या स्टेजवर केवळ उत्तम आवाज असणा-यांनाच संधी मिळते. ‘दी व्हॉईस इंडिया किड्स’ मधून प्रख्यात बॉलिवुड संगीतकार राम शंकर यांची मुलगी स्नेहा शंकर टेलिव्हिजनवर पदार्पण करत आहे. 'बिच्छू', 'दुल्हे राजा' आणि 'परदेसी बाबू'सारख्या नावाजलेल्या सिनेमांसाठी त्यांनी काम केले आहे. राम शंकर यांनी संगीत क्षेत्रात ३५ वर्षे दिली आणि आता त्यांची मुलगी त्यांच्या पावलावर पाऊल टाकताना दिसते आहे.यासंदर्भात माहिती देताना ते म्हणाले, “या शो मध्ये स्नेहा (माझी मुलगी) सहभागी होत आहे याचा मला खूप आनंद होतो आहे कारण मुलांच्या आवाजाच्या क्षमतेवरच इथे प्रशिक्षक मुलांची निवड करतात. ‘दी व्हॉईस इंडिया किड्स’ एक असे व्यासपीठ आहे जिथे ती तिचे खरे गुण, तिची विविधता आणि तिच्‍या वयाकडून असणा-या अपेक्षांपेक्षा आपण अधिक आहोत, हे दाखवून देऊ शकेल. स्नेहा आणि तिच्या गाण्याविषयी प्रशिक्षक नक्की काय सांगतात हे बघण्यासाठी मी उत्सुक शंकर महादेवन यांनी सांगितले होते.

Web Title: Himesh, Shan, Papon and the Fellers How to Attract Children?

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.