तुझ्यात जीव रंगला! राणादा-पाठबाईंचं रोमॅन्टिक फोटोशूट चर्चेत, नेटकरी म्हणाले...

झी मराठी वाहिनीवरील 'तुझ्यात जीव रंगला' या मालिकेमुळे अभिनेता हार्दिक जोशी आणि अक्षया देवधर ही जोडी लोकप्रिय झाली.

या मालिकेत राणादा-पाठकबाईंची व्यक्तिरेखा साकारून हार्दिक-अक्षया घराघरात पोहोचले.

त्यादरम्यान मालिकेत काम करत असताना अक्षया आणि हार्दिकचे खऱ्या आयुष्यातही सूर जुळले. त्यानंतर दोघांनी लग्नगाठ बांधली.

सोशल मीडियावर दोघांचीही मोठी फॅनफोलोइंग असल्याची पाहायला मिळते.

त्याचबरोबर अक्षया-हार्दिक यांच्याविषयी जाणून घेण्यास चाहते कायम उत्सुक असतात.

दरम्यान, नुकतेच अक्षया देवधरने सोशल मीडियावर नवऱ्यासोबतचे रोमॅन्टिक फोटो पोस्ट केले आहेत. त्यांचे हे फोटो नेटकऱ्यांच्या पसंतीस उतरले आहेत.

या फोटोशूटसाठी हार्दिकने पांढरा कुर्ता आणि त्यावर हिरव्या रंगाचं जॅकेट परिधान केलंय. तर अक्षया भगव्या रंगाची साडी नेसून पारंपरिक अंदाजात पाहायला मिळतेय.

त्यांच्या या रोमॅन्टिक फोटोंवर चाहत्यांसह अभिनेत्री ऋतुजा बागवे तसेच अमोल नाईक यांनी कमेंट्स केल्या आहेत.