Bigg Boss Marathi 3 : 'नाळ' फेम अभिनेत्री घेणार ‘बिग बॉस मराठी’च्या घरात एन्ट्री?

By ऑनलाइन लोकमत | Updated: July 15, 2021 18:17 IST2021-07-15T18:02:54+5:302021-07-15T18:17:06+5:30

Bigg Boss Marathi 3 : बहुचर्चित ‘बिग बॉस मराठी’चा तिसरा सीझन लवकरच प्रेक्षकांच्या भेटीस येतोस. साहजिकच बिग बॉस मराठीच्या घरात कोण कोण जाणार, याची उत्कंठा शिगेला पोहोचली आहे. तूर्तास एका नावाची जोरदार चर्चा आहे.

बहुचर्चित ‘बिग बॉस मराठी’चा तिसरा सीझन लवकरच प्रेक्षकांच्या भेटीस येतोस. साहजिकच बिग बॉस मराठीच्या घरात कोण कोण जाणार, याची उत्कंठा शिगेला पोहोचली आहे. तूर्तास एका नावाची जोरदार चर्चा आहे.

होय, लोकप्रिय अभिनेत्री दीप्ती देवी उर्फ दीप्ती श्रीकांत ‘बिग बॉस मराठी’च्या तिस-या सीझनमध्ये दिसण्याची शक्यता वर्तवली जात आहे.

दीप्ती छोट्या पडद्यावरचा लोकप्रिय चेहरा आहे. मला सासू हवी या मालिकेतील सूनेच्या व्यक्तिरेखेमुळे दीप्ती घराघरात पोहोचली होती.

दीप्ती श्रीकांत देवी ही मूळ गुजराती आहे. तिचा जन्म पुण्याचा. 2006 मध्ये दीप्तीने अभिनय कारकीर्दीला सुरुवात केली.

अवघाचि संसार या मालिकेत तिने साकारलेली अंतरा ही व्यक्तिरेखा गाजली होती. त्यानंतर अंतरपाट, मला सासू हवी यासारख्या मालिकांमध्ये ती झळकली.

पक पक पकाक या चित्रपटातून दीप्तीला मराठी सिनेमात डेब्यू केला. पाठोपाठ ‘समर - एक संघर्ष’ या चित्रपटातही ती दिसली.

नागराज मंजुळे दिग्दर्शित ‘नाळ’ सिनेमातील तिची व्यक्तिरेखा प्रेक्षकांच्या मनाला स्पर्शून गेली होती.

हिंदी मालिकाही तिने गाजवल्या. परिवार - कर्तव्य की परीक्षा, बडे अच्छे लगते है या सारख्या हिंदी मालिकाही तिने केल्या आहेत.

दीप्ती सोशल मीडियावरही अ‍ॅक्टिव्ह असून आपले ग्लॅमरस फोटो शेअर करत असते. तिचे एक लाख वीस हजाराहून अधिक फॉलोअर्स आहेत.