फक्त दहावी शिकलीये तेजस्विनी पंडित, म्हणाली- "कॉलेजची फी भरायला वडिलांकडे पैसे नव्हते..."

तेजस्विनीचं शिक्षण किती हे तुम्हाला माहितीये का? तेजस्विनीने फक्त दहावीपर्यंत शिक्षण घेतलं आहे.

तेजस्विनी पंडित ही मराठी सिनेसृष्टीतील लोकप्रिय अभिनेत्री आहे. एक अभिनेत्री असण्यासोबतच तेजस्विनी एक निर्माती आणि उद्योजिकादेखील आहे.

पण, तेजस्विनीचं शिक्षण किती हे तुम्हाला माहितीये का? तेजस्विनीने फक्त दहावीपर्यंत शिक्षण घेतलं आहे. आरपारला दिलेल्या मुलाखतीत अभिनेत्रीने याबद्दल भाष्य केलं.

अभिनय क्षेत्रात यायचं असं मी कधीच ठरवलं नव्हतं. मला इंटेरियर डिझायनिंग किंवा फॅशन डिझायनिंगमध्ये इंटरेस्ट होता, असं तेजस्विनी म्हणाली.

दहावीनंतर मला इंटेरियर किंवा फॅशन डिझायनिंग करायचं होतं. फॅशन डिझायनिंगकडे माझा कल जास्त होता.

तेव्हा मी सिंहगड इन्स्टिट्यूटला इंटेरियर डिझायनिंग बघत होते. आणि NIFT मध्ये फॅशन डिझायनिंगची विचारणा केली होती.

पण, दोन्ही कोर्सची फी तेव्हा ८० हजार वगैरे अशी होती. माझ्या वडिलांनी सांगितलं की तेजू माझ्याकडे पैसे नाहीयेत. त्यामुळे तुझी अॅडमिशन नाही करू शकत.

मला अकरावी, बारावी असं नॉर्मल शिक्षण घ्यायचं नव्हतं. त्यामुळे मी माझ्या वडिलांना सांगितलं की ठीक आहे पण मला याच क्षेत्रात काहीतरी करायचंय.

आता पैसे नसतील तर आपण नको करुयात. जेव्हा मी कमवेन किंवा पैसे येतील तेव्हा मी शिक्षण घेईन.

त्यानंतर मी सिनेइंडस्ट्रीत आले. त्यानंतर मग मी इथे इतकी रुळले की शिक्षण घेण्यासाठी नंतर वेळच मिळाला नाही.