समांथानं चिमुकल्यांच्या चेहऱ्यावर फुलवलं हसू, एनजीओतील मुलांसोबत साजरी केली दिवाळी

संपूर्ण देशभरात दिवाळीचा (Diwali 2025) उत्साह ओसंडून वाहत आहेत. बॉलिवूड आणि साऊथ स्टार्सही आपापल्या पद्धतीने हा सण साजरा करण्यात व्यस्त आहेत.

दाक्षिणात्य सुपरस्टार समांथा रुथ प्रभू हिने यंदाची दिवाळी एका अत्यंत खास आणि प्रेरणादायी पद्धतीने साजरी केली.

समांथाने एका एनजीओला (NGO) भेट देऊन मुलांसोबत हा सण साजरा केला. तिने चिमुकल्यांच्या चेहऱ्यावर हसू फुलवलं.

समांथाने स्वतः तिच्या सोशल मीडिया अकाउंटवर याचे काही सुंदर फोटो शेअर केले आहेत.

या फोटोंमध्ये ती अनेक मुलांसोबत आनंदात दिवे लावताना, खेळ खेळताना आणि त्यांच्यासोबत मजा करताना दिसत आहे.

एनजीओतील मुलांनीही समांथाला एक खास सरप्राइज दिलं. मुलांनी समंथाच्या चित्रपटांमधील गाण्यांवर सादरीकरण केलं. हे पाहून समांथा आनंदित झाली.

या मुलांनी फुलांचा वापर करून जमिनीवर 'समांथा' असे तिचे नाव लिहिले होते. समांथाने मुलांसोबत खूप चांगला वेळ घालवला.

या सर्व फोटोंसोबत समंथाने एक लांबलचक पोस्ट शेअर केली. ज्यात तिने एनजीओचे आभार मानले आणि मुलांसोबत दिवाळी साजरी करताना मिळालेला आनंद व्यक्त केला.

दिवाळीनिमित्त समांथानं केलेल्या या कृतीचे विशेष कौतुक होत आहे. तिच्या पोस्टवर प्रेमाचा आणि कौतुकाचा वर्षाव होत आहे.

दक्षिण भारतीय चित्रपटांमध्ये मोठे नाव असलेली समांथा सध्या बॉलिवूडमधील प्रोजेक्ट्सवर काम करत आहे.

सध्या ती राज आणि डीके यांच्या "रक्त ब्रह्मांड: द ब्लडी किंगडम" यात काम करत आहे. यात तिच्यासोबत आदित्य रॉय कपूर, अली फजल, वामिका गब्बी आणि जयदीप अहलावत यांसारखे कलाकारही दिसणार आहेत.