Rhea Chakraborty : "मला पुन्हा जेलमध्ये जायचं नाही"; रिया चक्रवर्ती घाबरली, आठवले वाईट दिवस अन्...

Rhea Chakraborty : रिया जेलमध्ये घालवलेले तिचे ते वाईट दिवस कधीही विसरू शकत नाही.

सुशांत सिंह राजपूत प्रकरणात रिया चक्रवर्तीला क्लीन चिट मिळाली आहे. या प्रकरणात तिला याआधी जेलमध्येही जावं लागलं होतं.

रिया जेलमध्ये घालवलेले तिचे ते वाईट दिवस कधीही विसरू शकत नाही. जेलच नाव काढलं तरी ती आता घाबरते.

अभिनेत्री एमटीव्ही रोडीजची गँग लीडर आहे. अलिकडच्या भागात, शोमध्ये रियाला जेलबद्दल वाटत असलेली भीती पुन्हा एकदा पाहायला मिळाली.

रणविजयने गँग लीडर्स टास्कसाठी जेलमध्ये बंद होतील असं सांगितलं. तेव्हा रिया गमतीने म्हणाली- मला पुन्हा जेलमध्ये जायचं नाही. मी जाणार नाही.

प्रिन्सने तेव्हाच एल्विशला टोमणा मारला. एल्विशलाही असंच वाटलं, त्यालाही जेलमध्ये जायचं नव्हतं असं म्हटलं.

रिया चक्रवर्तीने याआधी अनेक मुलाखतीत जेलमधील जुन्या दिवसांवर भाष्य केलं आहे. वाईट अनुभव सांगताना ती ढसाढसा रडली होती.

सीबीआयकडून क्लीनचिट मिळाल्यानंतर, रिया सोमवारी तिचे वडील आणि भाऊ शोविकसोबत सिद्धिविनायक मंदिरात गेली.

२०२० मध्ये सुशांतने आत्महत्या केली. सुशांतच्या कुटुंबीयांनी आणि इतर लोकांनी अभिनेत्याच्या मृत्यूसाठी रियाला जबाबदार धरलं होतं.