माधुरी दीक्षितवर वेड्यासारखं प्रेम करायचा हा कलाकार, 'हम आपके है कौन' पाहण्यासाठी संपूर्ण थिएटर केलेलं बूक

माधुरी दीक्षितचा सिनेमा या कलाकाराने तब्बल ७३ वेळा पाहिलाय. माधुरी दीक्षितवर हा कलाकार अक्षरशः जीव ओवाळून टाकायचा. कोण आहे तो?

माधुरी दीक्षित ही बॉलिवूडमधील लोकप्रिय अभिनेत्री. माधुरीला आपण विविध सिनेमांमधून अभिनय करताना पाहिलंय. माधुरीचे असंख्य चाहते आहेत पण असा एक कलाकार होता जो माधुरीचा सिनेमा पाहण्यासाठी संपूर्ण थिएटर बूक करायचा

हा कलाकार दुसरा तिसरा कोणी नसून ते होते जागतिक दर्जाचे चित्रकार एम. एफ. हुसेन. चित्रकार हुसेन हे माधुरीचे डाय हार्ड फॅन होते.

महाराष्ट्रात जन्माला आलेले एम. एफ. हुसेन यांचं पूर्ण नाव मकबूल फिदा हुसेन आहे. त्यांनी चित्रकार म्हणून काम केलंच शिवाय काही सिनेमांसाठी पटकथालेखक म्हणूनही जबाबदारी निभावली

एम. एफ. हुसेन माधुरी दीक्षितवर अक्षरशः जीव ओवाळून टाकायचे. ते माधुरीचा सिनेमा बघण्यासाठी संपूर्ण थिएटर बूक करायचे. त्यांनी हम आपके है कौन हा माधुरीचा सिनेमा ७३ वेळा पाहिला होता

यानंतर ते माधुरीचे इतके फॅन झाले की, अभिनेत्रीला घेऊन एखादा सिनेमा करायचाच, असा निर्णय त्यांनी घेतला. त्यामुळेच २००० साली त्यांनी गजगामिनी सिनेमा बनवला. या सिनेमात माधुरी प्रमुख भूमिकेत होती.

गजगामिनी सिनेमात माधुरीसोबत नसीरुद्दीन शाह आणि शबाना आझमी हे कलाकारही होते. परंतु हा सिनेमा बॉक्स ऑफिसवर फ्लॉप झाला

९ जून २०११ रोजी एम. एफ. हुसेन यांनी अखेरचा श्वास घेतला. आजही माधुरी दीक्षित त्यांची आठवण जागवताना दिसते.