'शोले'तील सांबाच्या लेकी आहेत प्रचंड ग्लॅमरस; सौंदर्याच्या बाबतीत करतायेत मोठमोठ्या अभिनेत्रींवर मात

Sholay: शोलेमध्ये सांबा ही भूमिका साकारणाऱ्या मॅक मोहन यांना दोन लेकी असून विनती आणि मंजरी अशी त्यांची नावं आहेत.

७० च्या दशकात तुफान लोकप्रिय झालेला चित्रपट म्हणजे 'शोले'. उत्तम कथानक आणि त्याला साजेशा कलाकारांनी केलेला अभिनय यामुळे हा चित्रपट आज अजरामर झाला आहे.

ठाकूर, जय-वीरु, बसंती आणि गब्बर यांच्यासह या चित्रपटातील एक भूमिका गाजली ती म्हणजे सांबाची. 'अरे ओ सांबा कितने आदमी थे' हा डायलॉग ऐकल्यानंतर सांबाने जी रिअॅक्शन दिली होती. ती विशेष लोकप्रिय झाली होती.

या चित्रपटात अभिनेता मॅक मोहन यांनी सांबाची भूमिका साकारली होती. परंतु, ही भूमिका लोकप्रिय करणारा हा अभिनेता आज आपल्यात नाही. १० मे २०१० रोजी त्यांचं निधन झालं.

मॅक मोहन यांनी अनेक गाजलेल्या चित्रपटांमध्ये काम केलं आहे. मात्र, त्यांच्याविषयी फार मोजक्या जणांना माहित आहे. त्यामुळेच मॅक मोहन यांच्या लेकींविषयी आज जाणून घेऊयात.

मॅक मोहन यांना दोन लेकी असून विनती मकिजानी (Vinati Makijany) आणि मंजरी मकिजानी (Manjari Makijany) अशी त्यांची नावं आहेत.

विनती आणि मंजरी या दोघी त्यांच्या वडिलांप्रमाणे कलाविश्वात कार्यरत आहेत. तसंच मॅक याचा लेक विक्रांत मकिजानीदेखील कलाविश्वात सक्रीय असल्याचं सांगण्यात येतं.

मॅक मोहनची मोठी मुलगी मंजरी एक फिल्म प्रोड्यूसर असून तिने अनेक शॉर्ट फिल्म्स केल्या आहेत.

२०१२ मधील 'द लास्ट मार्बल' आणि २०१४ मधील 'द कॉर्नर टेबल'साठी तिचं विशेष कौतुक करण्यात आलं.

मंजरीने 'डंर्किक', 'द डार्क नाइट राइसेस', 'वंडर वुम'न आणि 'मिशन इम्पॉसिबल' अशा चित्रपटांमध्ये असिस्टेंट प्रोड्यूसर म्हणून काम केले आहे.

मंजरीने प्रियांका चोप्राच्या चित्रपटात ‘सात खून माफ’ आणि रणबीर कपूरच्या ‘वेक अप सिड’ चित्रपटात काम केले आहे.

मोठी बहीण मांजरीप्रमाणेच लहान बहीण विनतीसुद्धा प्रोड्यूसर आणि अभिनेत्री आहे. तिने शाहरुख खानच्या २०१० मध्ये आलेल्या ‘माय नेम इज खान, स्केट बस्ती आणि ‘स्केटर गर्ल’ या चित्रपटात काम केले आहे.