Marathi Movies | मराठी चित्रपट | Marathi Cinema News & Gossip in Marathi | Marathi Actress & Actors News | Movie Reviews & Box Office Collection | Songs, Trailers & Videos

मराठमोळा अभिनेता धैर्य घोलप सध्या चर्चेत आला आहे. धैर्यच्या लाडक्या बहिणीने मानाच्या फोर्ब्स इंडिया २०२६ च्या ‘४० अंडर ४०’ या यादीत स्थान मिळवलं आहे. सोशल मीडियावरून धैर्यने ही बातमी चाहत्यांना दिली आहे. धैर्यने त्याच्या बहिणीसाठी खास पोस्ट लिहिली आहे. फोर्ब्स इंडिया २०२६ च्या ‘४० अंडर ४०’ यादीत बहीण स्नेहल घोलप हिने स्थान मिळवल्याने अभिनेत्याची मान गर्वाने उंचावली आहे. त्या पोस्टमध्ये धैर्यने लिहिलंय की, “फोर्ब्स ४० अंडर ४० च्या प्रतिष्ठित लिस्टमध्ये माझ्या बहिणीचं नाव झळकलं व पुरस्कार घरी आला आणि माझ्या डोळ्यासमोरून इतक्या वर्षांचा फ्लॅशबॅक गेला. माझे बाबा बोर्डात आले होते. त्यामुळे साहजिकपणे त्यांच्या माफक अपेक्षा अश्या होत्या की त्यांच्या दोन्ही मुलांनी अभ्यासात कधी मागे पडू नये. त्यामुळे ते आमच्या लहानपणापासून आम्हाला जमेल त्या पद्धतीने अभ्यासात गुंतवून ठेवायचा प्रयत्न करायचे. त्यात आमची ताई कायम त्यांनी सांगितलेल्या गोष्टी ऐकायची आणि पुस्तकांमध्ये हरवलेली असायची. (आजदेखील तसंच चित्र आहे म्हणा) आम्ही शाळा-कॉलेज मध्ये असताना बाबा सकाळी ५ वाजता उठायचे. आम्हाला ड्रायफ्रूट्स आणि गरम दूध करून ठेवायचे. मग आम्हाला उठवायचे आणि अभ्यासाला बसवायचे आणि मग ऑफिसला जायचे. "एखाद्या गोष्टीची तपश्चर्या आणि कठोर मेहनत करत नाही तोपर्यंत यश साध्य होणे नाही. जे करायचं आहे ते प्रचंड प्रामाणिकपणे करा. जीव तोडून मेहनत केली तर सगळं साध्य होऊ शकतं...होत नाही, जमत नाही म्हणजे काय? लाथ मारीन तिथे पाणी काढीन असं असावं, ही त्यांची शिकवण होती. ताईला तेव्हाच कळालं होतं हे त्यामुळे तिने नंबरात येणं कधी सोडलं नाही. ती बिचारी मन लावून इंग्रजी, गणित, विज्ञान असे कठीण विषय बाबांकडून शिकतदेखील बसायची. तेव्हा मला ते दंगलमधल्या आमीर खानसारखे वाटायचे आणि ते माझ्याकडे तारे जमीन पर मधल्या इशान अवस्थी सारखे बघायचे. फारच अविस्मरणीय आणि गमतीशीर दिवस होते ते", असं त्याने म्हटलं आहे. पुढे त्याने लिहिलंय, “ह्या सगळ्या शिकवणीचा अर्थ वय वाढत गेलं तसा उलगडायला लागला. क्षेत्र कोणतं का असेना यश मिळवायचंय तर तपश्चर्येला पर्याय नाही. आज आम्ही दोघेही भावंडं त्यांनी दिलेल्या शिकवणीवर विश्वास ठेवून आपापल्या क्षेत्रात मेहनतीने काम करण्याचा प्रयत्न करत आहोत यश मिळो वा अपयश प्रयत्न मात्र प्रामाणिकपणे सुरू असतात. आई म्हणत होती मुलाला पहिल्याच सिनेमासाठी फिल्मफेअर मिळाला आणि आता मुलीला फोर्ब्स च्या टॉप ४० अंडर ४० मधे मान...आज बाबा जाऊन १५ वर्ष झाली. ते आज असते तर त्यांना हे चित्र पाहून अतिशय आनंद झाला असता. तर माझ्या आई बाबांसारखाच मलादेखील माझ्या बहिणीचा प्रचंड अभिमान आहे. तिला तिच्या पुढील वाटचालीसाठी आभाळभर शुभेच्छा”.

रणवीर सिंगचा 'धुरंधर २'

बिग बॉस मराठी ६

विजय देवराकोंडा-रश्मिका मंधानाची लगीनघाई

'रामायण' चित्रपट

Bollywood

Marathi Cinema

Television

Web Series

South Movies

Reviews

Hollywood

Photos

Videos

Filmy Stories

मराठी सिनेमा :वर्षा उसगांवकरांच्या बहिणीची भूमिका साकारून चमकली! कुठे गायब झाली 'हमाल दे धमाल' मधील 'ही' अभिनेत्री?

अचानक कुठे गायब झाली 'हमाल दे धमाल'मधील ही अभिनेत्री? आता काय करते माहितीये का? ...

सुधाकर श्रोत्री हे वृत्तपत्र वितरणातील मोठं नाव होतं. वृत्तपत्र वितरण व्यवस्थेमध्ये त्यांचं बरंच योगदान होतं ...

रिल्सची हौस भारी पडली! मुंबईतील हुत्माता चौकाजवळ मराठी अभिनेत्रीने शूट केला व्हिडीओ, नेटकऱी संतापले ...

मराठी सिनेमा :निर्मिती सावंत पुन्हा रंगभूमीवर, ‘लाडकी विहीण योजना’मधून घेऊन येणार हास्याची नवी लाट

निर्मिती सावंत या नाटकाबद्दल म्हणाल्या... ...

मराठी सिनेमा :"हा रिकामटेकड्या लोकांचा उद्योग..", सचिन पिळगावकरांना ट्रोल करणाऱ्यांना गिरीश ओक स्पष्टच बोलले

मराठी सिनेमा :हिरवी साडी अन् हिरवा चुडा! सायली संजीवच्या फोटोंची चर्चा, अंबाजोगाईला गेली अभिनेत्री, कारण काय?

मराठी सिनेमा :मराठी अभिनेत्रीच्या घरी पाळणा हलला, लग्नानंतर चार वर्षांनी दिला गोंडस मुलाला जन्म

एका गाण्यामुळे लोकप्रिय झालेली अभिनेत्री, आजही त्या गाण्यामुळेच मिळते ओळख ...