भाषेच्या र्मयादा ओलांडून ग्लोब मेसेज

By ऑनलाइन लोकमत | Updated: February 12, 2016 06:56 IST2016-01-16T01:19:53+5:302016-02-12T06:56:01+5:30

पुरुषोत्तम करंडक स्पर्धेतील विजेत्या एकांकिकांच्या प्रेमात पडून त्यातील नाट्य शोधण्याची कमाल दिग्दर्शक अभिजित पानसे यांनी केली आहे. 'रेगे'या वेगळ्या ...

Globe message across language barriers | भाषेच्या र्मयादा ओलांडून ग्लोब मेसेज

भाषेच्या र्मयादा ओलांडून ग्लोब मेसेज

रुषोत्तम करंडक स्पर्धेतील विजेत्या एकांकिकांच्या प्रेमात पडून त्यातील नाट्य शोधण्याची कमाल दिग्दर्शक अभिजित पानसे यांनी केली आहे. 'रेगे'या वेगळ्या विषयावरील चित्रपटातून पानसे यांनी स्वत:ला दिग्दर्शक म्हणून सिद्ध केले आहे. 'रेगे' चित्रपटाच्या माध्यमातून दिग्दर्शन क्षेत्रातील पदार्पणातच उत्कृष्ट दिग्दर्शनाचे चार अँवॉर्ड मिळविण्याबरोबरच त्यांच्याच लेखणीतून उतरलेल्या या चित्रपटाने तब्बल २४ अँवॉर्डवर आपले नाव कोरले. त्यामुळे पदार्पणातच आपले दिग्दर्शकीय कौशल्य दाखविलेल्या पानसे यांच्या आगामी चित्रपटाबाबत उत्सुकता आहे. त्यांचा आगामी 'उळागड्डी (ओनियो)' हा चित्रपट भारती विद्यापीठ कॉलेज ऑफ फाईन आर्टसने २0१३ मध्ये पुरुषोत्तम करंडक स्पर्धेत सादर केलेल्या 'उळागड्डी' या एकांकिकेवर आधारित आहे. या एकांकिकेने त्या वेळी करंडकावर आपली मोहोर उमटविली होती, हे वेगळे सांगण्याची गरज नाही. या चित्रपटाच्यानिमित्ताने या चित्रपटाला भाषेच्या र्मयादेच्या बाहेर नेऊन ग्लोबल मेसेज देण्याचाही त्यांचा प्रयत्न आहे. उच्च निर्मितीमूल्ये असणार्‍या या 'उळागड्डी'च्या निर्मिती प्रवासाबद्दल स्वत: अभिजित पानसे 'सीएनएक्स'वाचकांशी संवाद साधत आहेत. सिनेमाची भाषा!
सिनेमा हे वेगळे माध्यम असल्याने त्याची स्वत:ची अशी भाषा असते. भाषेच्या र्मयादा ओलांडून त्यातील उत्कटता प्रेक्षकांपर्यंत पोहोचविणे हे खरे दिग्दर्शकीय कौशल्य. तोच प्रयत्न अभिजित पानसे यांनी केला आहे. यापूर्वी कमल हसन यांच्या गाजलेला 'पुष्पक'हा चित्रपट मुक होता. मात्र, वेगळ्या भाषेतील संवाद ऐकतानाही त्यामध्ये प्रेक्षकांना गुंतवून ठेवण्याचे शिवधनुष्य पेलण्याचा पण अभिजित पानसे यांनी केला. 'लाईफऑफपाय' धर्तीवर निर्मिती
या चित्रपटाच्यानिमित्ताने अनेक मोठी मोठी मंडळी या चित्रपटाशी जोडली गेली. त्यामध्ये ज्यांनी 'गुलाम,' 'बाजीराव मस्तानी'मध्ये 'व्हीएफएक्स' तंत्रज्ञानाची कमाल दाखविली ते प्रसाद सुतार, बॉलिवूडचे टॉप कॅमेरामन डीओपी रवी वर्मन यांची नावे आवर्जून घेता येतील. 'लाईफ ऑफ पाय'च्या धर्तीवर हा चित्रपट निर्मिती करण्याचे साहस केले आहे. इंडो- फ्रेंच फ्लिम
''उळागड्डी-ओनियो' ही एक इंडो-फ्रेंच फिल्म आहे. ज्यामध्ये भाषेच्या सीमा ओलांडायचा प्रयत्न करण्यात आला आहे. म्हणजे एक फ्रेंच आणि एक कन्नड-मराठी मुलगी अशा दोन व्यक्तिरेखा यात पाहायला मिळतील. या भूमिका फ्रेंच अभिनेता व्हिनिए आणि ठाण्याची छोटी मुलगी सेजल यांनी केल्या आहेत. पुरुषोत्तम करंडक स्पर्धेतील विजेत्या एकांकिकांच्या प्रेमात पडून त्यातील नाट्य शोधण्याची कमाल दिग्दर्शक अभिजित पानसे यांनी केली आहे. 'रेगे'या वेगळ्या विषयावरील चित्रपटातून पानसे यांनी स्वत:ला दिग्दर्शक म्हणून सिद्ध केले आहे. 'रेगे' चित्रपटाच्या माध्यमातून दिग्दर्शन क्षेत्रातील पदार्पणातच उत्कृष्ट दिग्दर्शनाचे चार अँवॉर्ड मिळविण्याबरोबरच त्यांच्याच लेखणीतून उतरलेल्या या चित्रपटाने तब्बल २४ अँवॉर्डवर आपले नाव कोरले. त्यामुळे पदार्पणातच आपले दिग्दर्शकीय कौशल्य दाखविलेल्या पानसे यांच्या आगामी चित्रपटाबाबत उत्सुकता आहे. त्यांचा आगामी 'उळागड्डी (ओनियो)' हा चित्रपट भारती विद्यापीठ कॉलेज ऑफ फाईन आर्टसने २0१३ मध्ये पुरुषोत्तम करंडक स्पर्धेत सादर केलेल्या 'उळागड्डी' या एकांकिकेवर आधारित आहे. या एकांकिकेने त्या वेळी करंडकावर आपली मोहोर उमटविली होती, हे वेगळे सांगण्याची गरज नाही. या चित्रपटाच्यानिमित्ताने या चित्रपटाला भाषेच्या र्मयादेच्या बाहेर नेऊन ग्लोबल मेसेज देण्याचाही त्यांचा प्रयत्न आहे. उच्च निर्मितीमूल्ये असणार्‍या या 'उळागड्डी'च्या निर्मिती प्रवासाबद्दल स्वत: अभिजित पानसे 'सीएनएक्स'वाचकांशी संवाद साधत आहेत. ही गोष्ट आहे दोन व्यक्तींची, त्यातला एक माणूस आहे मराठी आणि दुसरी १५ ते १६ वर्षांची कन्नड मुलगी. हे उत्तराखंड येथे झालेल्या महाप्रलयावर आधारित दिग्दर्शक शिवराज वायचळ यांच्या या एकांकिकेचे कथानक. या एकांकिकेसह 'रेगे'मध्ये भूमिका केलेल्या आरोह वेलणकरने पुरुषोत्तम करंडक एकांकिका स्पर्धेला ५0 वर्षे पूर्ण झाल्याच्या निमित्ताने अनेक एकांकिकांबरोबरच 'उळागड्डी'बद्दल थोडीफार माहिती दिली आणि एकदम याविषयावर चित्रपट करण्याची कल्पना डोक्यात 'क्लिक' झाली. कुणालाही चित्रपटनिर्मित करण्यासाठी न धजावणारी आणि ग्लोबल मेसेज देणारी स्टोरी यात गवसली. 'रेगे' यशस्वी ठरला असला तरी पुन्हा क्राईमबेस कथानकावर चित्रपट तयार करायची माझी मुळीच इच्छा नव्हती. एका विषयावर लिहित होतो.. मात्र 'उळागड्डी'चा विषय अधिकच भावला आणि या चित्रपटाची निर्मिती मोठय़ा प्रमाणावर होऊ शकेल, असे वाटले.
दिग्दर्शक म्हणून हा चित्रपट साकारणे मला निश्‍चितच आव्हानात्मक वाटले. मग एकांकिकेचे दिग्दर्शक शिवराज यांच्याकडून कथेची पार्श्‍वभूमी ऐकली. मात्र चित्रपटासाठी कथानकात थोडेफार बदल केले. कारण एकांकिका हा फॉर्म पडद्यावर येतो तेव्हा त्यामध्ये तांत्रिकदृष्ट्या खूप गोष्टी जोडल्या जातात, उत्तराखंडाचा प्रलय दाखविणे सोपे काम नाही, त्यामुळे त्याचे चित्रीकरण कसे केले असेल, असा प्रश्न पडणेही स्वाभाविक आहे. पण यासाठी कोणताही सेट न उभारता बनारसच्या स्टुडिओमध्ये शूटिंग करण्यात आले. यासाठी ४ कॅमेर्‍यांचे सेटअप आणि २ अँलेक्स अत्याधुनिक तंत्रज्ञानाचे कॅमेरे याचा वापर करण्यात आला आहे. मराठीमध्येच काय हिंदीमध्येदेखील अशा तंत्रज्ञानावर आधारित चित्रपटाची निर्मिती झाली नसेल! नुकतेच चित्रपटाच्या चित्रीकरणाचे काम पूर्ण झाले असून, बायलिंग्वल असलेला हा चित्रपट २0१६ मध्ये जगभरात प्रदर्शित करण्यात येणार आहे. (शब्दांकन - नम्रता फडणीस)

Web Title: Globe message across language barriers

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.