यामी गौतमी-इम्रान हाश्मीचं मनाला भावणारं गाणं, दोघांच्या केमिस्ट्रीनेही वेधलं लक्ष

बऱ्याच दिवसांनी बॉलिवूडला मिळालं एक मधुरगीत

इमरान हाश्मी आणि यामी गौतम ही जोडी 'हक' या आगामी सिनेमात दिसणार आहे. सिनेमातील पहिलं गाणं रिलीज झालं आहे. 'कबूल' असं गाण्याचं शीर्षक आहे. मनाला भावणारं, शांत आणि सुंदर असं हे गाणं आहे. तसंच गाण्यातून इम्रान हाश्मी आणि यामीची सुंदर केमिस्ट्रीही उलगडली आहे. प्रसिद्ध संगीतकार विशाल मिश्रा यांनी हे गाणं कंपोज केलं आहे,  'क़बूल' हे 'हक'चित्रपटाच्या कथानकाचं भावनिक केंद्र आहे ज्या संगीत, भावना आणि साधेपणाचं अप्रतिम मिश्रण आहे.

गाण्याचे बोल कौशल किशोर यांनी लिहिले आहेत आणि ते अरमान खान यांनी त्यांच्या भावपूर्ण आवाजात गायले आहे. क़बूल' हे असं गाणं आहे जे प्रेम, शांत नजरा आणि अपूर्ण शब्दांमधून भावना व्यक्त करतं. चित्रपटाचं म्युझिक अल्बम पुढे आणखी काही मनाला भिडणाऱ्या गाण्यांनी सजलेलं आहे, जसं की 'दिल तोड गया तू' आणि काही इतर गाणी जी लवकरच प्रदर्शित होणार आहेत.

गाण्याविषयी इम्रान हाश्मी म्हणाला, "जेव्हा एखाद्या चित्रपटाचं संगीत त्याची आत्मा बनतं, तेव्हा त्याचा परिणाम अधिक खोलवर पोहोचतो. 'क़बूल' असंच एक गाणं आहे जे विशालने  खूप भावनेने तयार केलं आहे आणि ते आमच्या पात्रांच्या कहाणीला थेट हृदयापर्यंत पोहोचवतं.

तर यामी गौतम म्हणाली,'क़ुबूल' हे असं गाणं आहे जे शांततेतही बोलतं..नजरेत, न बोललेल्या शब्दांत आणि अपूर्ण इच्छांमध्ये. माझ्या पात्राची कोमलता, ताकद आणि वेदना — सगळं यात दिसून येतं. हे साकारताना हा एक भावनिक प्रवास होता."

संगीतकार विशाल मिश्रा* म्हणाले, हक'चं संगीत हे भावनांवर आणि भारतीय सुरांच्या ताकदीवर आधारित आहे. 'क़ुबूल' ही प्रेमाची अशी भावना आहे ज्यात भारतीयता आणि आधुनिकता दोन्हीचा संगम आहे. मी हे गाणं खरं, साधं आणि तरीही सिनेमॅटिक वाटेल असं बनवायचा प्रयत्न केला आहे."

मंदर ठाकुर, सीईओ – *टाईम्स म्युझिक/जंगली म्युझिक म्हणाले, "आम्हाला खूप आनंद आहे की 'क़बूल'ला 'हक'च्या पहिल्या गाण्याच्या रूपात सादर करता येत आहे. विशाल मिश्राचं संगीत चित्रपटाच्या कथेला अधिक खोली देतं, आणि इमरान–यामीची जोडी त्याला आणखी खास बनवते. ही एक सुंदर प्रवासाची सुरुवात आहे."

'क़बूल' आता जंगली म्युझिक वर सर्व म्युझिक प्लॅटफॉर्म्स आणि यूट्यूब वर उपलब्ध आहे. 'हक' हा चित्रपट, जो जंगली पिक्चर्स, इन्सोम्निया फिल्म्स आणि बावेजा स्टुडिओज यांच्या सहकार्याने तयार केला आहे, ७ नोव्हेंबर रोजी चित्रपटगृहात प्रदर्शित होणार आहे.