​शाहिद कपूरच्या आयुष्यात ‘या’ आकड्याचे आहे खास महत्त्व!

श�

��हिद कपूरची गणना आज बॉलिवूडच्या आघाडीच्या अभिनेत्यात होते. निश्चितपणे यामागे शाहिदचे अपार कष्ट आहेत. पण त्याशिवाय दैवाचा भागही आहेच. तुम्ही माना वा मानू नका, पण शाहिदच्या आयुष्यात ७ हा आकडा विशेष आहे. हवे तर हा आकडा त्याचा लकी नंबर आहे, असेच म्हणा ना. या आकड्यासोबत त्याचे कनेक्शन अतिशय खास आहे. अगदी गाड्यांच्या क्रमांकपासून तर ७ जुलै या लग्नाच्या तारखेपर्यंत.

शाहिदच्या जन्मापासून ७ व त्याचे कनेक्शन आहे. २५ नोव्हेंबर १९८१ रोजी शाहिदचा जन्म झाला. आता २५ या तारखेचे बेरीज केल्यास म्हणजेच २ अधिक ५ केल्यास तुम्हाला ७ हा आकडचाच मिळतो. शाहिदच नाही तर त्याची बेटर हाफ मीरा राजपूत हिच्यासाठीही ७ हा आकडा महत्त्वाचा आहे. कारण मीराचा जन्म ७ सप्टेंबरचा. म्हणजेच शाहिदला पत्नी मिळाली ती सुद्धा ७ तारखेला जन्मलेली. शाहिद व मीराचे लग्न झाले तेही ७ तारखेलाच. होय, ७ जुलै २०१५ रोजी शाहिद व मीरा यांचे लग्न झाले. यात योगायोग म्हणजे जुलै हा महिनाही सातवाच. आता हा खरोखरीच योगायोग होता की, शाहिदने जाणीवपूर्वक लग्नासाठी ७ ही तारिख निवडली, हे आम्हाला ठाऊक नाही. शाहिदचे लग्न झाले तेव्हा तो ३४ वर्षांचा होता आणि ३ व ४ ची बेरीज केल्यास पुन्हा ७ हाच आकडा येतो. त्याच्याकडे असलेल्या कारमध्ये ७ हा आकडा तुम्हाला हमखास दिसेलच. या सगळ्यावरून ७ या आकड्याचे शाहिदच्या आयुष्यात विशेष स्थान आहे, असे मानायला काहीही हरकत नाही. 

ALSO READ : शाहिद कपूरमुळे ‘पद्मावती’चा खोळंबा!!