सलमान खान तब्बल १९ वर्षानंतर करणार या व्यक्तीसोबत काम

प्रसिद्ध दिग्दर्शक संजय लीला भन्साळी व सलमान खान तब्बल १९ वर्षांनंतर एकत्र काम करणार आहे.

ठळक मुद्देसंजय लीला भन्साळी एका नव्या चित्रपटाची निर्मिती करत असून त्यात झळकणार सलमान खानतब्बल १९ वर्षानंतर सलमान व संजय लीला भन्साळी आले एकत्र

प्रसिद्ध दिग्दर्शक संजय लीला भन्साळी व सलमान खान तब्बल १९ वर्षांनंतर एकत्र काम करणार आहे. संजय लीला भन्साळी सलमानला घेऊन चित्रपट बनवत आहे आणि हा चित्रपट प्रेमकथेवर आधारीत असणार आहे.

गेल्या काही वर्षांपासून सलमान सतत अॅक्शनपटांमध्ये झळकत आहे. या दरम्यान त्याने कोणत्याही प्रेमकथेवर आधारीत चित्रपट केल्याचे आढळून आले नाही. १९९९ मध्ये आलेल्या ‘हम दिल दे चुके सनम’ या प्रेमकथेवर आधारित चित्रपटामध्ये तो झळकला होता. हा चित्रपट त्याकाळी प्रचंड गाजला होता. विशेष म्हणजे आजही त्याचा हा चित्रपट प्रेक्षक आवडीने पाहतात. या चित्रपटाचे दिग्दर्शन संजय लीला भन्साळीने केले होते. या चित्रपटानंतर संजय लीला भन्साळी आणि सलमान खान यांनी एकदाही एकत्र काम केल्याचे पाहायला मिळाले नाही. मात्र तब्बल १९ वर्षानंतर ही जोडी पुन्हा एकदा एकत्र काम करणार आहे. 

संजय लीला भन्साळी एका नव्या चित्रपटाची निर्मिती करत असून त्यांच्या या चित्रपटामध्ये सलमान झळकणार आहे. या चित्रपटाचे शूटिंग २०१९ मध्ये सुरु होणार असून पुढील वर्षी २०२० मध्ये हा चित्रपट प्रेक्षकांच्या भेटीला येणार आहे. चित्रपट व्यापार विश्लेषक तरण आदर्श यांनी ट्विट करुन ही माहिती दिली आहे.

#BreakingNews: Sanjay Leela Bhansali & Salman Khan reunite after 19 year for a love story... The film is set to go on floors soon.

— taran adarsh (@taran_adarsh) February 23, 2019

 

दरम्यान, हा चित्रपट एका प्रेमकथेवर आधारित आहे. विशेष म्हणजे तब्बल १९ वर्षानंतर एकत्र काम करत असल्यामुळे संजय लीला भन्साळी आणि सलमान प्रचंड आनंदी असल्याचे पाहायला मिळत आहे.

भन्साळी सध्या एकाच वेळी तीन प्रोजेक्टवर काम करत आहेत. त्यांच्या या तिन्ही प्रोजेक्टमध्ये तगडी स्टारकास्ट पाहायला मिळणार असल्याचे बोलले जात आहे. या तीन पैकीच एका चित्रपटात सलमान काम करणार आहे.