Bollywood News & Gossip in Marathi | Latest Entertainment News | हिंदी फिल्म | Bollywood Actress, Actors, Parties & Events | Hindi Movie Reviews

बेनझीर जमादारबॉलिवुडमध्ये आपल्याला बायोपिकचा ट्रेंड पाहायला मिळत आहे. एम.एस.धोनी, दंगल असे खेळाडूंच्या आयुष्यावर आधारित चित्रपट पुढील काहीच महिन्यात प्रदर्शित होणार आहेत. तर एका कुस्तीपट्टूच्या आयुष्यावर आधारित सुलतान या चित्रपटाने नुकताच करोडोंचा गल्ला बॉक्स ऑफिसवर जमवला. खेळाडूंवर अनेक चित्रपट बनवले जात असल्याने आपल्या आयुष्यावरदेखील चित्रपट बनवला जावा अशी सध्या अनेक खेळाडूंची इच्छा आहे. तसेच आपली भूमिका कोणत्या कलाकाराने साकारावी ही निवडदेखील त्यांनी केलेली आहे. पाहूया कोणत्या कलाकाराने आपली भूमिका साकारावी असे कोणत्या खेळाडूला वाटत आहे. त्यावर घेतलेला हा आढावा. सानिया मिर्झा - परिणिती चोप्रा: सानिया मिर्झाने आपल्या खेळाने राष्ट्रीय, आंतरराष्ट्रीय पातळीवर ख्याती मिळवली आहे. तिने इथवर पोहोचण्यासाठी केलेला संघर्ष, तिची यशस्वी कामगिरी, तिचे वैयक्तिक आयुष्य या सर्व गोष्टींविषयी जाणून घेण्यासाठी तिचे चाहते उत्सुक आहेत. काही दिवसांपूर्वी सानियाला तिच्या बायोपिकबद्दल प्रश्न विचारण्यात आला होता. तुझ्या बायोपिकमध्ये तुझी भूमिका कोणी साकारावी असे तिला विचारले असता क्षणाचाही विलंब न लावता तिने परिणिती चोप्रा असे उत्तर दिले होते. ती म्हणाली होती, "भविष्यात माझ्यावर चित्रपट बनवला गेला तर त्यामध्ये परिणिती या माझ्या लाडक्या मैत्रिणीने माझी भूमिका साकरावी असे मला वाटते." सानियाची ही इच्छा लवकरच पूर्ण होणार असल्याची सध्या जोरदार चर्चा आहे. सायना नेहवाल - दीपिका पादुकोण: भारताची फुलराणी या नावाने ओळखली जाणारी बॅटमिंटनपटू सायना नेहवालला तिच्या बायोपिकमध्ये दीपिका पादुकोणने काम करावे अशी इच्छा आहे. दीपिकाने तिची भूमिका साकारण्यामागे एक कारण असल्याचेही ती सांगते. दीपिकाचे वडील प्रसिद्ध बॅटमिंटनपटू असल्याने तिला या खेळाची सगळी माहिती आहे. तसेच ती ही एक चांगली बॅटमिंटनपटू आहे. त्यामुळे ती सायनाच्या भूमिकेला योग्य न्याय देऊ शकेन असे तिचे म्हणणे आहे. तसेच दीपिकाचे वडील प्रकाश पादुकोण यांच्याकडून सायनाने बॅडमिंटनचे प्रशिक्षण घेतले आहे. त्यामुळे दीपिकाच माझा जीवनप्रवास पडद्यावर चांगल्यारितीने मांडू शकते असे तिचे म्हणणे आहे. शोएब अख्तर - सलमान खान : पाकिस्तानचा वेगवान गोलंदाज शोएब अख्तरनेदेखील आपल्या आयुष्यावर चित्रपट बनवला जावा अशी इच्छा अनेकवेळा व्यक्त केली आहे. त्याच्या बायोपिकमध्ये त्याची भूमिका सलमान खाननेच साकारावी असा त्याचा जणू हट्टच आहे. सलमानच त्याची भूमिका योग्यप्रकारे साकारू शकेल असे त्याचे म्हणणे आहे. ग्लेन मॅकग्रा - अक्षय कुमार : आॅस्ट्रेलियाचा माजी क्रिकेटपटू ग्लेन मॅकग्राच्या आयुष्यावरही चित्रपट येणार असल्याची कित्येक दिवसांपासून चर्चा आहे. काही दिवसांपूर्वी तो म्हणाला होता की, "माझी भूमिका हॉलिवुड स्टार ह्यूज जॅकमन पडद्यावर चांगल्या रितीने साकारू शकतो. कारण तो आॅस्ट्रेलियाचा असून त्याला क्रिकेटची प्रचंड आवड आहे आणि बॉलिवुडमध्ये म्हणाल तर, माझ्या भूमिकेसाठी अक्षय कुमार हेच नाव योग्य असल्याचे मला वाटते."

प्राजक्ता गायकवाडचा साखरपुडा

सन ऑफ सरदार २

हृतिकचा 'वॉर २'

चला हवा येऊ द्या

Bollywood

Marathi Cinema

Television

Web Series

South Movies

Reviews

Hollywood

Photos

Videos

Filmy Stories

बॉलीवुड :..म्हणून ‘क्रिश ४’ येणार !

बॉलीवुड :दलेर परतला!

बॉलीवुड :टायगर दबावात ?

बॉलीवुड :इमरानचा नकार कुणाला व का?

बॉलीवुड :श्रीदेवी जान्हवीला का ठेवतेयं दूर?

बॉलीवुड :स्वत:च्याच बायोपिकसाठी धोनीने घेतले ४० कोटी ?

बॉलीवुड :श्रद्धा कशात बिझी?

बॉलीवुड : रितेशने मारला माशांच्या कालवणावर ताव

बॉलीवुड :प्रेक्षकांच्या भेटीला ‘अण्णा : किसन बाबूराव हजारे’ सज्ज !

बॉलीवुड :पसंत अपनी अपनी