Brahmastra Movie: रणबीर कपूर- आलिया भटच्या ब्रह्मास्त्रबद्दल मोठी बातमी आली समोर

Brahmastra Movie: आज सकाळपासून अयान मुखर्जी आणि रणबीर कपूर चर्चेत आले आहेत. त्याचे कारणही खूप खास आहे. ते दोघे त्यांचा आगामी चित्रपट ब्रह्मास्त्रसाठी विशाखापट्टणमला पोहोचले आहेत.

आज सकाळपासून अयान मुखर्जी (Ayan Mukharjee) आणि रणबीर कपूर (Ranbir Kapoor) चर्चेत आले आहेत. त्याचे कारणही खूप खास आहे. ते दोघे त्यांचा आगामी चित्रपट ब्रह्मास्त्र(Brahmastra Movie)साठी  विशाखापट्टणमला पोहोचले आहेत. यादरम्यान दोघांचे फोटो आणि व्हिडिओ खूप व्हायरल होत आहेत. चाहत्यांनी त्या दोघांचेही मनमोकळेपणे स्वागत करत आहेत. विशाखापट्टणमला पोहोचल्यानंतर दोघांचेही चाहत्यांनी गुलाबपुष्प आणि हार घालून जल्लोषात स्वागत केले. दरम्यान, अयान मुखर्जीने आपल्या आगामी 'ब्रह्मास्त्र' चित्रपटाचा ट्रेलर लवकरच प्रदर्शित होणार असल्याची घोषणा केली आहे. अयानने त्याची डेट १५ जून असल्याचे सांगितले. 

सुपरस्टार रणबीर कपूर, एस.एस. राजामौली आणि दिग्दर्शक अयान मुखर्जी यांनी ब्रह्मास्त्र भाग एक: शिवाच्या बहुप्रतिक्षित ट्रेलरची तारीख जाहीर करून आतुरतेने वाट पाहणाऱ्या चाहत्यांना आश्चर्यचकित केले आहे. ब्रह्मास्त्रमधील कलाकारांचे लूक समोर आल्यानंतर चाहते या बहुप्रतिक्षित चित्रपटाच्या ट्रेलरची वाट पाहत आहेत. या चित्रपटात आलिया भट आणि रणबीर कपूर पहिल्यांदाच एकत्र दिसणार आहेत. रणबीर-आलियाच्या लग्नात निर्मात्यांनी चित्रपटाच्या केसरिया गाण्याचा टीझर रिलीज करून दोघांनाही भेट दिली होती.

अलीकडेच अयान मुखर्जीने त्याच्या 'ब्रह्मास्त्र' या साय-फाय चित्रपटाचा टीझर रिलीज केला आहे. टीझरमध्ये रणबीर आणि आलियाशिवाय मौनी रॉय, अमिताभ बच्चन आणि नागार्जुन यांची झलक पाहायला मिळाली आहे. टीझरमध्ये मौनी आणि रणबीरमध्ये युद्ध सुरू असल्याचे दिसते. मौनी रॉयची स्टाईलही खूप क्रूर दिसते. रणबीर कपूर रक्तात भिजलेला दिसत आहे, तर आलिया भट खूपच घाबरलेली दिसते आहे.

धर्मा प्रोडक्शनच्या बॅनरखाली बनलेला हा चित्रपट ९ सप्टेंबरला सिनेमागृहात प्रदर्शित होणार आहे. लग्नानंतर रणबीर आणि आलियाच्या पहिल्याच चित्रपटामुळे या चित्रपटात दोघांचा रोमान्स पाहण्यासाठी प्रेक्षक उत्सुक आहेत.