T20 World Cup, SRI LANKA V NETHERLANDS : श्रीलंकेनं Round 1च्या अखेरच्या साखळी सामन्यात मोठ्या विक्रमासह दणदणीत विजय मिळवला. श्रीलंकेच्या गोलंदाजांनी कमाल करताना नेदरलँड्सचा संपूर्ण संघ ४४ धावांवर माघारी पाठवला. ट्वेंटी-२० वर्ल्ड कप स्पर्धेतील ही दुसरी निचांक धावसंख्या ठरली. यापूर्वी २०१४मध्येही श्रीलंकेनंच ३९ धावांवर नेदरलँड्सलाच गुंडाळले होते. गोलंदाजांच्या उल्लेखनीय कामगिरीनंतर फलंदाजांनी सहज विजय मिळवला. श्रीलंकेनं ग्रुप अ मधून अव्वल स्थानासह Super 12 मध्ये ग्रुप १मध्ये स्थान निश्चित केलं.
नेदरलँड्सच्या बेन कूपर ( १०) व कॉलिन अॅकर्मन ( ११) वगळता अन्य फलंदाज एकेरी धावेतच तंबूत परतले. वनिंदू हसरंगानं ३ षटकांत ९ धावांत ३ फलंदाज बाद केले. लाहिरु कुमारानंही ३ षटकांत ७ धावांत ३ विकेट घेतल्या आणि त्यानं एक निर्धाव षटकही फेकलं. महिष थिक्षणा ( २-३) व दुष्मंथा चमीरा ( १-१४) यांनीही उत्तम गोलंदाजी केली. ४५ धावांचे लक्ष्य पार करण्यासाठी श्रीलंकेच्या दोन फलंदाजांनी विकेट टाकल्या. कुसल परेरानं एकाकी खिंड लढवताना नाबाद ३३ धावा करून ८ विकेट्स व ७७ चेंडू राखून विजय पक्का केला.
Web Title: T20 World Cup, SL vs NED : Sri Lanka beat Netherlands by 8 wickets, Netherlands bundled out for just 44 runs
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
