IPL 2026: आयपीएल २०२६ च्या सीझनमध्ये नव्याने सापडलेला हिरा प्रफुल हिंगे याने राजस्थान रॉयल्सविरोधात सनराइजर्स हैदाराबादसाठी जबरदस्त डेब्यू केले. विदर्भातील या वेगवान गोलंदाजाने पहिल्याच षटकांत ३ विकेट घेऊन आयपीएलमध्ये नवा इतिहास रचला. प्रफुलने पहिल्याच ओव्हरमध्ये राजस्थानचा चर्चित फलंदाज वैभव सूर्यवंशीसह ३ जणांना माघारी पाठवले. या कामगिरीमुळे प्रफुल हिंगे याच्याबाबत जाणून घेण्याची उत्सुकता अनेकांना लागली आहे. त्यात प्रफुलला एका सामन्यासाठी किती पैसे मिळतात असा प्रश्न अनेकांना पडला आहे. ही कमाई वैभव सूर्यवंशीपेक्षा कमी आहे की जास्त हेही लोकांना जाणून घ्यायचे आहे.
प्रत्येक खेळाडूला मिळते समान मानधन
आयपीएल २०२६ मध्ये भारतीय क्रिकेट बोर्डाने लागू केलेल्या नियमातंर्गत प्रत्येक खेळाडूला ७.५० लाख रूपये मानधन दिले जाते. त्याचा अर्थ प्रफुलला त्याच्या डेब्यू सामन्यासाठी ७.५ लाख रुपये देण्यात आले. ही रक्कम वैभव सूर्यवंशीला मिळणाऱ्या रक्कमेएवढीच आहे. जरी सामन्याचे शुल्क सारखेच असले तरी खरा फरक खेळाडूंच्या करारांच्या मूल्यात आहे. प्रफुलला त्याच्या ३० लाख रुपयांच्या मूळ किमतीत विकत घेण्यात आले. तर दुसरीकडे वैभव सूर्यवंशीला १.१० कोटी रुपयांचा खूप मोठा करार मिळाला. या फरकामुळे त्यांच्या प्रति सामन्यातील एकूण कमाईवर लक्षणीय परिणाम होतो.
जर प्रत्येक मॅचच्या कमाईचा हिशोब लावला तर प्रफुलला प्रति मॅच १०.५० लाख रुपये दिले जातात तर वैभव सूर्यवंशीला प्रति मॅच १५.३५ लाख मिळतात. ही कमाई कराराच्या मूल्याला सामन्यांच्या संख्येने भागून आणि त्यात सामन्यांचे शुल्क जोडून गणना केली जाते. जर प्रफुल्ल नियमितपणे खेळत राहिला तर केवळ सामना शुल्कातून मिळणारी त्याची कमाई लक्षणीयरीत्या वाढू शकते. उदाहरणार्थ, जर तो आणखी नऊ सामने खेळला तर तो त्याच्या मूळ कराराव्यतिरिक्त केवळ सामना शुल्कातून एकूण अंदाजे ७५ लाख रुपये कमवू शकतो. विशेष म्हणजे, त्याची एकूण कमाई कमी असूनही प्रफुल्लने त्याच्या पदार्पणाच्या सामन्यात लक्षणीय प्रभाव पाडला. मैदानातील कामगिरी नेहमीच कराराच्या किमतीशी जुळत नाही हे प्रफुलचे विक्रम मोडणारे पहिले षटक हे दाखवून देते.
पहिल्याच सामन्यात दमदार कामगिरी
२१७ धावांच्या मोठ्या आव्हानाचा पाठलाग करताना प्रफुल हिंगेने पहिल्याच षटकात राजस्थानला बॅकफूटवर ढकलले. त्याने पहिल्या षटकातील पहिल्या चेंडूवर वैभव सूर्यवंशीला बाद केले. त्यानंतर ध्रुव जुरेल आणि लुआन-द्रे प्रिटोरियस यांची विकेट घेतली. विशेष म्हणजे, हे तिन्ही फलंदाज शून्यावर बाद झाले.
