IND vs SA 1st ODI : भारत आणि दक्षिण आफ्रिका यांच्यातील पहिला एकदिवसीय सामना रांचीच्या मैदानात खेळवण्यात येत आहे. कार्यवाहू कर्णधार लोकेश राहुलही नाणेफेकी वेळी कमनशिबी ठरल्याचे पाहायला मिळाले. भारतीय संघाने वनडेत सलग १९ व्या सामन्यात नाणफेक गमावली आहे. २०२३ मध्ये भारतीय संघाने वनडे वर्ल्ड कप स्पर्धेतील फायनलपासून आतापर्यंत एकाही वनडे सामन्यात नाणेफेक जिंकलेली नाही. दक्षिण आफ्रिकेच्या संघाने टॉस जिंकून पहिल्यांदा गोलंदाजीचा निर्णय घेतला आहे.
'लोकमत'चं WhatsApp चॅनल फॉलो करा!
दक्षिण आफ्रिकेच्या संघाने कॅप्टनला तर टीम इंडियानं पंतला बसवलं बाकावर
दक्षिण आफ्रिकेचा संघ नियमित कर्णधार टेम्बा बावुमाच्या अनुपस्थितीत मैदानात उतरला आहे. त्याच्या जागी एडन मार्करम संघाचे नेतृत्व करत आहे. ऋतुराजला बऱ्याच वर्षांनी टीम इंडियाच्या प्लेइंग इलेव्हनमध्ये स्थान मिळाले. पण तो संघात असला तरी रोहित आणि यशस्वी ही जोडीच सलामी करेल, ही गोष्ट लोकेश राहुलनं स्पष्ट केली. त्यामुळे ऋतुराज गायकवाडला चौथ्या क्रमांकावर आपल्या बॅटिंगची धमक दाखवावी लागेल. या सामन्यात रिषभ पंतलाही बाकावर बसवण्यात आले असून कर्णधार लोकेश राहुलचं यष्टीमागील जबाबदारी पार पाडताना दिसणार आहे.
'लोकमत'चं WhatsApp चॅनल फॉलो करा!
भारतीय संघाची प्लेइंग इलेव्हन :
रोहित शर्मा, यशस्वी जैस्वाल, विराट कोहली, ऋतुराज गायकवाड, वॉशिंग्टन सुंदर, केएल राहुल यष्टीरक्षक/ कर्णधार), रवींद्र जडेजा, हर्षित राणा, कुलदीप यादव, अर्शदीप सिंग, प्रसिद्ध कृष्णा.
दक्षिण आफ्रिका प्लेइंग इलेव्हन
रायन रिकल्टन, क्विंटन डी कॉक (यष्टीरक्,क), एडन मार्कराम (कर्णधार), मॅथ्यू ब्रेट्झके, टोनी डी झोर्झी, डेवाल्ड ब्रेविस, मार्को जॅन्सन, कॉर्बिन बॉश, प्रिनेलन सुब्रेन, नांद्रे बर्गर, ओटनील बार्टमन.