Hathras Case : उद्धव ठाकरेंना चॅलेंज देणारी कंगना हाथरस केसवरून CM योगींबाबत म्हणाली...

Hathras Case : एकीकडे काही लोक योगी आदित्यनाथांचा राजीनामा मागत असताना आता कंगनाने यूपीचे मुख्यमंत्री योगी आदित्यनाथ यांच्यासाठी ट्विट करून त्यांच्यावर विश्वास दर्शवला आहे.

उत्तर प्रदेशातील हाथरसमध्ये(Hathras Case) झालेल्या गॅंगरेपवरून देशभरातील जनता संतापली आहे. १९ वर्षाच्या तरूणीवर निर्दयीपणे अत्याचार केल्यावर तिचा मृत्यू झाला. या घटनेने पुन्हा एकदा निर्भया प्रकरणाच्या वेदनादायी आठवणी ताज्या झाल्या. बॉलिवूडमधील अनेक सेलिब्रिटींनीही हाथरसमधील घटनेवर राग व्यक्त केलाय. कंगनाने तर गुन्हेगारांना सर्वांसमोर गोळ्या झाडून मारण्याची मागणी केली होती. एकीकडे काही लोक योगी आदित्यनाथांचा राजीनामा मागत असताना आता कंगनाने यूपीचे मुख्यमंत्री योगी आदित्यनाथ यांच्यासाठी ट्विट करून त्यांच्यावर विश्वास दर्शवला आहे.

I have immense faith in @myogiadityanath ji, just how Priyanka Reddy rapists were shot dead on the very spot they raped and burnt her alive we want the same emotional, instinctive and impulsive justice for #HathrasHorror#HathrasHorrorShocksIndia

— Kangana Ranaut (@KanganaTeam) September 30, 2020

कंगनाने ट्विट केलं की, 'मला योगी आदित्यनाथजी यांच्यावर पूर्ण विश्वास आहे. ज्याप्रकारे त्यांनी प्रियंका रेड्डीच्या बलात्काऱ्यांना त्याच जागेवर मारलं जिथे त्यांनी बलात्कार केला होता आणि प्रियंकाला जिवंत जाळलं होतं. आमची इच्छा आहे की, तसाच भावनापूर्ण, स्वाभाविक आणि आवेशपूर्ण न्याय हाथरस घटनेत मिळावा'.

Shoot these rapists publicly, what is the solution to these gang rapes that are growing in numbers every year? What a sad and shameful day for this country. Shame on us we failed our daughters #RIPManishaValmiki

— Kangana Ranaut (@KanganaTeam) September 29, 2020

याआधी कंगनाने ट्विट केलं होतं की, बलात्कार करणाऱ्यांना सर्वांसमोर गोळ्या झाडून मारलं पाहिजे. दरवर्षी वाढणाऱ्या या गॅंगरेपचं अखेर समाधान काय आहे? देशासाठी फार लाजेची आणि दु:खाची बाब आहे. आम्हाला दु:खं आहे की, मुलींसाठी काही करू शकलो नाहीत.

It’s time. @myogiadityanath should RESIGN. Under him utter breakdown of law & order in UP. His policies have created caste strife, fake encounters, gang wars & there is a RAPE EPIDEMIC in Uttar Pradesh. #Hathras case is only one example. #YogiMustResign#PresidentRuleInUP

— Swara Bhasker (@ReallySwara) September 29, 2020

तेच दुसरीकडे अभिनेत्री स्वरा भास्करने उत्तर प्रदेशचे मुख्यमंत्री योगी आदित्यनाथ यांच्या राजीनाम्याची मागणी केली आहे. स्वराने ट्विट केले की, उत्तर प्रदेशात बलात्काराची महामारी पसरली आहे. हाथरस केस केवळ एक उदाहरण आहे.

१४ सप्टेंबरला सामूहिक बलात्कार

हाथरस जिल्ह्यातील चंदपा पोलीस ठाण्याच्या हद्दीत एका गावात १४ सप्टेंबर रोजी या मुलीवर सामूहिक बलात्कार झाला होता. प्रथम अलिगडच्या जेएन मेडिकल कॉलेज हॉस्पिटलमध्ये नंतर सोमवारी तिला दिल्लीला हलविण्यात आले होते. पोलिसांनी सांगितले होते की, घटनेच्या वेळी या मुलीचा गळा दाबण्यात आला. अलिगडच्या हॉस्पिटलच्या प्रवक्त्यांनी सांगितले की, या मुलीचे पाय पूर्णपणे निष्क्रिय झाले होते आणि हातालाही लकवा झाला होता. या मुलीने दिलेल्या जबाबानुसार, संदीप, रामू, लवकुश आणि रवी, अशी आरोपींची नावे आहेत.